ന്യുദല്ഹി: കേന്ദ്ര സര്ക്കാരിന്റെ നിര്ദേശത്തെ തുടര്ന്ന് പരിസ്ഥിതി സൗഹൃദമാകാനൊരുങ്ങി ഇന്ത്യന് സൈന്യം. വായുമലിനീകരണം കുറക്കാനായി വാഹനങ്ങള് ഇലട്രിക്കിലേക്ക് മാറ്റാനൊരുങ്ങുകയാണ് സൈന്യം.
കേന്ദ്ര ഊര്ജ്ജ മന്ത്രാലയത്തിന് കീഴിലുള്ള എനര്ജി എഫിഷ്യന്സി സര്വീസസ് ലിമിറ്റഡിന്റെ (ഇ.ഇ.എസ്.എല്) പങ്കാളിത്തത്തോടെയാണ് ഇന്ത്യന് ആര്മി ഇ-വാഹനങ്ങള് നിരത്തിലിറക്കുന്നത്. ന്യൂദല്ഹിയിലെ ഉദ്യോഗസ്ഥരുടെ ഉപയോഗത്തിനായാണ് ഇ-വാഹനങ്ങള് ആദ്യമായി ഉപയോഗിക്കുക. പദ്ധതിയുടെ ആദ്യ ഭാഗമായി പത്ത് ഇലക്ട്രിക് കാറുകള് പുറത്തിറക്കും. സൈന്യം മുന്കൈയെടുത്ത് ഈ സംരംഭം കൂടുതല് വികസിപ്പിക്കും. ദല്ഹിയിലെ ഇലട്രിക്ക് വാഹനങ്ങളുടെ കാര്യക്ഷമതയും വര്ദ്ധിപ്പിച്ച് അന്തരീക്ഷ മലിനീകരണം കുറക്കാനാണ് സൈന്യത്തിന്റെ ആദ്യ ശ്രമം.
മഹീന്ദ്ര ഇ-വെറിറ്റോയാണ് ആദ്യമായി ഇലട്രിക്ക് വാഹനമായി പുറത്തിറങ്ങുക. പ്രധാനമന്ത്രിയും മറ്റ് ഉദ്യോഗസ്ഥരും ഉപയോഗിക്കുന്ന വാഹന വ്യുഹത്തിന്റെ ഭാഗമാണ് ഇ-വെറിറ്റോസ്. ലോകമെമ്പാടുമുള്ള വായു മലിനീകരണം കുറയ്ക്കുന്നതിനുള്ള ഒരു മാര്ഗമായാണ് ഇലക്ട്രിക് വാഹനങ്ങളെ കാണുന്നുത്. ഇലക്ട്രിക് കാറുകളുടെ ജി.എസ്.ടി നിരക്ക് 12 ശതമാനത്തില് നിന്ന് അഞ്ചു ശതമാനമാക്കാന് ജി.എസ്.ടി കൗണ്സില് അനുമതി നല്കിയിട്ടുണ്ട്.
