പോര്ട്ട് ഓഫ് സ്പെയിന്: ഇന്ത്യ എ – വിന്ഡീസ് – രണ്ടാം അനൗദ്യോഗിക ടെസ്റ്റിന്റെ രണ്ടാം ദിനത്തില് പത്തൊമ്പത് വിക്കറ്റുകള് നിലം പൊത്തി. ഇന്ത്യ എ യുടെ ശിവം ദുബെയ്ക്ക്് മാത്രമാണ് രണ്ടാം ദിനത്തില് പിടിച്ചുനില്ക്കാനായത്. അഞ്ചിന് 20 റണ്സെന്ന നിലയില് തകര്ന്ന ഇന്ത്യ എയെ ദുബെ കരകയറ്റി.
അടിച്ചുകളിച്ച ശിവം ദുബെ 85 പന്തില് 79 റണ്സ് നേടി. പ്രിയങ്ക് പാഞ്ചാല് 125 പന്തില് 58 റണ്സ് കുറിച്ചു. ആറാം വിക്കറ്റില് ഇവര് 124 റണ്സ് കൂട്ടികെട്ടുണ്ടാക്കിയതോടെ ഇന്ത്യ എ ഒന്നാം ഇന്നിങ്ങ്സില് 190 റണ്സ് എടുത്തു്. വിന്ഡീസ് ആദ്യ ഇന്നിങ്ങ്സില് 318 റണ്സാണെടുത്തത്.
രണ്ടാം ഇന്നിങ്ങ്സ് തുടങ്ങിയ വിന്ഡീസ് എ രണ്ടാം ദിനം കളിനിര്ത്തുമ്പോള് നാല് വിക്കറ്റിന് 12 റണ്സെന്ന പരിതാപകരാമായ അവസ്ഥയിലാണ്. ആദ്യ ഇന്നിങ്ങ്സില് 128 റണ്സ് ലീഡ് നേടിയ വിന്ഡീസ് എ ടീമിന് ഇപ്പോള് 140 റണ്സ് ലീഡായി.
നേരത്തെ അഞ്ചിന് 243 റണ്സെന്ന സ്കോറിന് ഒന്നാം ഇന്നിങ്ങ്സ് പുനരാരംഭിച്ച വിന്ഡീസ് എ 318 റണ്സിന് പുറത്തായി. കോള്വാള് 70 പന്തില് 56 റണ്സുമായി പുറത്താകാതെ നിന്നു.
ഇന്ത്യന് ലെഗ് സ്പിന്നര് മായങ്ക് അഗര്വാള് ഇരുപത് ഓവറില് 79 റണസിന് മൂന്ന വിക്കറ്റ വീഴ്ത്തി. പേസര് മുഹമ്മദ് സിറാജ് 27 ഓവറില് 63 റണ്സിന് മൂന്ന് വിക്കറ്റെടുത്തു.
മൂന്ന്് ടെസ്റ്റുകളുടെ പരമ്പരയില് ആദ്യ ടെസ്റ്റ വിജയിച്ച ഇന്ത്യ എ 1- 0 ന് മുന്നിട്ടുനില്ക്കുകയാണ്.
സ്കോര്: വിന്ഡീസ് എ 318, ഏഴ് ഓവറില് നാലിന് 12. ഇന്ത്യ എ 190.
