അമ്പത്തിയഞ്ച് ഉത്തരങ്ങള് അറിയാമായിരുന്നെന്നും, ബാക്കി കറക്കിക്കുത്തിയെന്നും എസ്എഫ്ഐ നേതാവ് ശിവരഞ്ജിത്ത്. കുത്താന് മിടുക്കനാണെന്നതറിയാമായിരുന്നു. പക്ഷെ കറക്കികുത്താനും ഒന്നാംറാങ്ക് മേടിക്കാനും അറിയാമെന്ന് ഇപ്പോഴാ മനസിലായത്….!
രജിത്ദേവഗംഗ, മുതുവിള
സൂസിയുടെ സുകൃതകര്മം
കാഞ്ഞങ്ങാട് വീട്ടമ്മയുടെ നിശ്ചയദാര്ഢ്യത്തില് നാല് വളര്ത്തുനായകള്ക്ക് ആറുമണിക്കൂറിനുശേഷം ജീവന് തിരിച്ചുകിട്ടിയ പത്രവാര്ത്ത കണ്ടു. കൂടിനുമുകളില് മണ്ണിടിഞ്ഞുവീണാണ് അപകടം സംഭവിച്ചത്. അഗ്നിരക്ഷാസേനയും ജെസിബിയും പിന്മാറിയിടത്താണ് സൂസിമോള് സ്നേഹംകൊണ്ട് ജീവന് കോരിയെടുത്തത്! മിണ്ടാപ്രാണികളായാലും ജീവന് വലുതാണ്. സൂസിമോള് മനുഷ്യനും ജന്തുക്കളും തമ്മിലുള്ള സ്നേഹത്തിന്റെ വലിയപാഠം സമൂഹത്തിന് നല്കുന്നു. അഭിനന്ദനങ്ങള്.
– ശ്രീജിത്ത് വഞ്ഞോട്, മട്ടന്നൂര്
നീതി ലഭിക്കണം
ശബരിമല വിഷയത്തില് ഹിന്ദുമതവിശ്വാസികളുടെയും നാട്ടില് സമാധാന അന്തരീക്ഷം കാംക്ഷിക്കുകയും ചെയ്യുന്ന ജനങ്ങളുടെ മനസ്സിന് വളരെ മുറിവേറ്റ സമയത്താണ് ലോക്സഭാ തെരഞ്ഞെടുപ്പ് നടന്നത്. അധികാരത്തിലേറിയ ബിജെപി നേതൃത്വത്തിലുള്ള കേന്ദ്രസര്ക്കാര് എത്രയും പെട്ടെന്ന് വിശ്വാസികള്ക്കനുകൂലമായ നടപടി സ്വീകരിക്കണം.
എല്ലാ ദേവാലയങ്ങളും വിശ്വാസികളുടെ നിയന്ത്രണത്തില് കൊണ്ടുവരാനുള്ള നടപടി ഉണ്ടാകണം. അതാണ് ജനങ്ങള് ആഗ്രഹിക്കുന്നത്. ശബരിമല വിഷയത്തില് ശാരീരികമായും മാനസ്സികമായും അതിക്രൂരമായ പോലീസ് നടപടികള്ക്ക് വിധേയരായ ഒട്ടനവധി നിരപരാധികള് ഇവിടെയുണ്ട്. അവര്ക്ക് നീതി ലഭിക്കണം.
മോഹനന്, കൂടപ്പുലം
