കോട്ടയം: സുപ്രീംകോടതിയുടെ യുവതി പ്രവേശന വിധിയുടെ അടിസ്ഥാനത്തില് ശബരിമലയില് പോലീസ് ഓവര് ആക്ട് ചെയ്തതായി കേരള കോണ്ഗ്രസ് (ബി) ചെയര്മാന് ആര്. ബാലകൃഷ്ണപിള്ള. ആവശ്യമില്ലാത്ത കാര്യങ്ങളാണ് പോലീസ് അവിടെ ചെയ്തത്. ലോക്സഭ തെരഞ്ഞടുപ്പില് ശബരിമല വിഷയവുമാണ് വന് തിരിച്ചടിക്ക് കാരണമായതെന്നും പിള്ള പറഞ്ഞു.
ശബരിമലയുടെ പവിത്രത തകര്ക്കാനായി പിണറായി സര്ക്കാര് ഉണ്ടാക്കിയ വനിത മതിലിന്റെ മുന്നില് നിന്നു പ്രവര്ത്തിച്ച ആളാണ് ബാലകൃഷ്ണപിള്ള. വനിതാമതിലില് പങ്കെടുത്താല് എന്.എസ്.എസില് നിന്നു പുറത്താക്കുമെന്ന ജനറല് സെക്രട്ടറി സുകുമാരന്നായരുടെ മുന്നറിയിപ്പ് അവഗണിച്ചാണ് പിള്ളയും മകനും മതിലില് പങ്കെടുത്തത്. ഏതുവിഷയത്തിലും എന്.എസ്.എസിനെ തള്ളിപ്പറയാത്ത പിള്ളയും മകനും വനിതാമതിലില് പങ്കെടുത്തതിന് സര്ക്കാര് വലിയ പ്രചാരണം നല്കിയിരുന്നു. എന്നാല്, ശബരിമലയിലെ പോലീസ് നടപടിയെ പിള്ള കുറ്റപ്പെടുത്തിയതോടെ ഇതെല്ലാം ഇനി സര്ക്കാരിനെ തിരിഞ്ഞ് കൊത്തും
കേരളാ കോണ്ഗ്രസ് രൂപീകരിച്ച കാലത്തെ സാഹചര്യമല്ല ഇപ്പോഴുള്ളത്. പാര്ട്ടിയുടെ ആദ്യ പിളര്പ്പ് ആശയഭിന്നതയു ടെ അടിസ്ഥാനത്തിലായിരുന്നു. എന്നാല് ഇന്നു ചതിവും വഞ്ചനയും കാലുവാരലുമാണെന്നും പാര്ട്ടിയുടെ പിളര്പ്പ് സംബന്ധിച്ച ചോദ്യങ്ങ ള്ക്കു മറുപടിയായി പിള്ള വ്യക്തമാക്കി.
