തിരുവനന്തപുരം: യൂണിവേഴ്സിറ്റി കോളേജ് സംഘര്ഷങ്ങള്ക്കു തുടര്ന്നുണ്ടായ വിവാദങ്ങളില് എസ്എഫ്ഐ രൂക്ഷമായി വിമര്ശിച്ച് സിപിഎം. എസ്എഫ്ഐയില് എസ്ഡിപിഐ അടക്കം സാമൂഹ്യ വിരുദ്ധ ശക്തികള് കടന്നു കയറിയെന്ന് സിപിഎം സെക്രട്ടേറിയറ്റ് വിലയിരുത്തി. തിരുത്തല് നടപടികള് ശക്തമാക്കിയില്ലെങ്കില് തിരിച്ചടി ശക്തമാകും. അപവാദങ്ങള് പ്രതിരോധിക്കാന് പ്രചാരണം ശക്തമാക്കണമെന്നും യോഗം ആവശ്യപ്പെട്ടു. കുറച്ചു കാലങ്ങളായി എസ്ഡിപിഐ അടക്കം സാമൂഹ്യവിരുദ്ധര് തങ്ങളുടെ പ്രവര്ത്തനം സുഗമമാക്കാന് എസ്എഫ്ഐയെ മറയാക്കുന്നുണ്ട്. നേതാക്കള്ക്ക് ഇതു കൃത്യമായി അറിയാമായിരുന്നെങ്കിലും നടപടി സ്വീകരിച്ചില്ലെന്നും നേതാക്കള് വിമര്ശനം ഉയര്ത്തി.
യൂണിവേഴ്സിറ്റി കോളേജില് എസ്എഫ്ഐയുടെ മറപറ്റി നടക്കുന്നത് തീവ്ര ഇസ്ലാമിസ്റ്റ് ആശയം പടര്ത്തുന്ന എസ്.ഡി.പി.ഐയുടെ പ്രവര്ത്തനമാണെന്നും നേരത്തേ റിപ്പോര്ട്ടുണ്ടായിരുന്നു. ഇസ്ലാമിസ്റ്റുകള്ക്ക് തങ്ങളുടെ മുഖംമറച്ചുവെയ്ക്കാനുള്ള രാഷ്ട്രീയ പാര്ട്ടിയായി എസ്.എഫ്.ഐ മാറിയെന്ന് വിദ്യാര്ത്ഥികള് തന്നെ പലതവണ ആരോപണം ഉയര്ത്തിയിരുന്നു. പകല് എസ്.എഫ്ഐ പ്രവര്ത്തകരായി നടക്കുന്ന പലരും രാത്രിയില് എസ്.ഡി.പിഐയുടെയും പോപ്പുലര് ഫ്രണ്ടിന്റെയും യോഗങ്ങളില് പങ്കെടുക്കുന്നുണ്ട്. തീവ്ര ഇസ്ലാമിസ്റ്റ് ആശയങ്ങള് പടര്ത്തുന്ന ഇവര് പലപ്പോഴും കോളേജില് അരാജകത്വം അഴിച്ചുവിട്ടിട്ടുണ്ട്. എസ്എഫ്ഐ നേതാക്കമാര് പലപ്പോഴും ഇസ്ലാമിക ആശയങ്ങളാണ് കോളേജില് പടര്ത്തുന്നത്. ഹൈന്ദവ ദൈവങ്ങളെ അടച്ച് ആക്ഷേപിക്കുന്നവരാണ് ക്യാമ്പസിനുള്ളില് അധികവുമുള്ള എസ്എഫ്ഐക്കാര്. യൂണിവേഴ്സ്റ്റി കാമ്പസിനുള്ളില് എസ്എഫ്ഐയുടേതായി വന് ആയുധ ശേഖരം ഉണ്ട്. ഇത് എങ്ങനെ ഉപയോഗിക്കണമെന്നുള്ള പരിശീലനം പാര്ട്ടിയിലെ പലര്ക്കും ലഭിച്ചിട്ടുണ്ടെന്നും റിപ്പോര്ട്ടുകള് പുറത്തു വന്നിട്ടുണ്ട്. അഖിലിന്റെ നെഞ്ചത്ത് ഏറ്റകുത്ത് കൃത്യമായ പരിശീലനം ലഭിച്ച ക്രിമിനലിന്റെത് പോലെയുള്ളതാണെന്ന് പോലീസും സമ്മതിക്കുന്നു.
