ചെന്നൈ: കൊലക്കേസില് ജീവപര്യന്തം തടവിനു ശിക്ഷിക്കപ്പെട്ട ശരവണ ഭവന് ഉടമ പി.രാജഗോപാല്(72) അന്തരിച്ചു.പുഴല് സെന്ട്രല് ജയിലിലായിരുന്ന രാജഗോപാലിനെ അസുഖം കൂടിയതിനെ തുടര്ന്ന് സര്ക്കാര് ആശുപത്രിയിലേക്ക് മാറ്റിയിരുന്നു. ാജഗോപാലിന് അവിടെ വച്ച് ഹൃദയാഘാതമുണ്ടായി. തുടര്ന്ന് വെന്റിലേറ്ററിന്റെ സഹായത്തോടെയാണ് അദ്ദേഹത്തിന്റെ ജീവന് നിലനിര്ത്തിയത്. എന്നാല് ഇന്ന് രാവിലെയോടെ രാജഗോപാല് മരണപ്പെടുകയായിരുന്നു.
2001-ലാണ് കേസിന് ആസ്പദമായ സംഭവം. ഒരു ജ്യോത്സ്യന്റെ ഉപദേശം കേട്ട് ഹോട്ടലിലെ ജീവനക്കാരന്റെ മകളായ ജീവജ്യോതിയെ മൂന്നാം ഭാര്യയാക്കാന് രാജഗോപാല് തീരുമാനിച്ചു. എന്നാല് ജീവനക്കാരനും കുടുംബവും മകളെ പ്രിന്സ് ശാന്തകുമാരന് എന്നയാള്ക്ക് വിവാഹം ചെയ്തു നല്കി. എന്നാല് കല്ല്യാണം കഴിഞ്ഞിട്ടും ജീവജ്യോതിയെ വിട്ട് പോകാന് ശാന്തകുമാറിനെ രാജഗോപാല് നിരന്തരം ഭീഷണിപ്പെടുത്തിയിരുന്നു.
ഒടുവില് ഭീഷണിക്ക് വഴങ്ങാതിരുന്ന ശാന്തകുമാറിനെ ഗുണ്ടകളെ വിട്ട് തട്ടികൊണ്ടുപോയി കൊലപ്പെടുത്തി. കൊടയ്ക്കനാലില്വച്ചാണ് ശാന്തകുമാറിനെ രാജ?ഗോപാലും സംഘവും കൊലപ്പെടുത്തിയത്. ജീവജ്യോതിയെ വിവാഹം കഴിച്ചാല് എല്ലാ ഐശ്വര്യങ്ങളും ഉണ്ടാകും എന്ന ജ്യോത്സ്യന്റെ പ്രവചനമാണ് കൊലപാതകത്തിലേക്ക് നയിച്ചത്.
ഭര്ത്താവിന്റെ കൊലപാതകത്തിന് കാരണമായവരെ പിടികൂടാന് ജീവജ്യോതി നടത്തിയ നിയമപോരാട്ടത്തിനൊടുവില് ചെന്നൈയിലെ വിചാരണ കോടതി പത്ത് കൊല്ലം കഠിനതടവാണ് രാജഗോപാലിന് വിധിച്ചത്. പിന്നീട് 2004-ല് മദ്രാസ് ഹൈക്കോടതി ശിക്ഷ ജീവപര്യന്തം തടവായി ഉയര്ത്തി. രാജഗോപാലിന് പുറമേ മറ്റ് അഞ്ചുപേര്ക്കെതിരെയും കോടതി ശിക്ഷ വിധിച്ചു. ഇതിനെതിരെ പ്രതികള് സുപ്രീംകോടതിയെ സമീപിച്ചു. എന്നാല് കേസില് രാജഗോപാലിന് ജീവപര്യന്തം തടവ് ശിക്ഷ വിധിച്ച മദ്രാസ് ഹൈക്കോടതിയുടെ വിധി സുപ്രീംകോടതി ശരിവയ്ക്കുകയായിരുന്നു.
