ഉന്നാവ് : ഉത്തര് പ്രദേശ് ഉന്നാവ് ജില്ലയില് മദ്രസയില് വിദ്യാര്ത്ഥികള് ക്രിക്കറ്റ് കളിക്കുന്നതിനിടെ വഴക്കിട്ടപ്പോള് അതിലെ ഹിന്ദു വിദ്യാര്ത്ഥികളെ ഭീഷണിപ്പെടുത്തി ഇമാം. കളിക്കിടയിലുണ്ടായ വഴക്ക് മൂര്ച്ഛിച്ചതോടെ ഇമാം അതില് ഇടപെടുകയും പോലീസിനെ വിളിക്കുകയും ചെയ്തിരുന്നു.
തുടര്ന്ന് മദ്രസയിലെ കുട്ടികളുമായി കലഹത്തില് ഏര്പ്പെട്ട ഹിന്ദു വിദ്യാര്ത്ഥികള്ക്കെതിരെ നടപടി ഇന്ന് ഉച്ചയ്ക്കുള്ള പ്രാര്ത്ഥനയ്ക്ക് ഉള്ളില് ഉണ്ടായില്ലെങ്കില് പിന്നീട് എന്തും സംഭവിക്കാമെന്നാണ് ഇമാമം വിദ്യാര്ത്ഥികളെ ഭീഷണിപ്പെടുത്തിയത്.
വെള്ളിയാഴ്ചത്തെ പ്രാര്ത്ഥനയ്ക്കുശേഷം താന് നിര്ദ്ദേശിക്കുന്ന ഹിന്ദു വിദ്യാര്ത്ഥികള്ക്കു നേരെ കേസെടുക്കണം. ഇല്ലെങ്കില് എന്തും സംഭവിക്കാമെന്നും ഇമാം ഭീഷണി മുഴക്കിയെന്നുമായാണ് റിപ്പോര്ട്ട്.
സംഭവവുമായി ബന്ധപ്പെട്ട് പരാതി ലഭിച്ചതിനെ തുടര്ന്ന് ജില്ലാ മജിസ്ട്രേറ്റ് രാകേഷ് ഗുപ്ത, പോലീസ് ഉദ്യോഗസ്ഥന്മാരായ ഉമേഷ് ചന്ദ് ത്യാഗി, ദിനേഷ് ചന്ദ്ര മിശ്ര എന്നിവരും സ്ഥലതെത്തി പ്രാഥമികാന്വേഷണം നടത്തി. ഇമാമിന്റെ വിവാദ പ്രസ്താവനയ്ക്കെതിരെ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
