വയനാട്: കടബാധ്യത മൂലം പുല്പ്പള്ളിയില് കര്ഷകന് ആത്മഹത്യ ചെയ്തു. പുല്പ്പള്ളി മരക്കടവിലെ ചുളു ഗോഡ് എങ്കിട്ടന്( 55) ആണ് വിഷം കഴിച്ച് ആത്മഹത്യ ചെയ്തത്. കടബാധ്യത മൂലമാണ് എങ്കിട്ടന് ആത്മഹത്യ ചെയ്തതെന്ന് ബന്ധുക്കള് പറഞ്ഞു.
മഴ കുറവായതിനാല് കടമെടുത്തു വിതച്ച കൃഷി നശിച്ചതില് ഇയാള് നിരാശനായിരുന്നുവെന്നും ചെറുകിട കര്ഷകനായ എങ്കിട്ടന് മൂന്ന് ലക്ഷത്തോളം രൂപ കടബാധ്യതയുണ്ടെന്നും ബന്ധുക്കള് പറഞ്ഞു. ബത്തേരി താലൂക്ക് ആശുപത്രിയില് പോസ്റ്റുമോര്ട്ടം നടത്തിയ ശേഷം മൃതദേഹം ബന്ധുക്കള്ക്ക് വിട്ടുകൊടുക്കും. രാഹുല് ഗാന്ധി എംപിയായ ശേഷമുള്ള വയനാട്ടിലെ രണ്ടാമത്തെ കര്ഷക ആത്മഹത്യയാണ് എങ്കിട്ടന്റേത്. നേരത്തെ വയനാട് പനമരം നീര്വാരം സ്വദേശി വി.ഡി. ദിനേശ(52)നാണ് കടബാധ്യതകളെ തുടര്ന്ന് ആത്മഹത്യ ചെയ്തത്.
