ബെര്മിങ്ഹാം: ബംഗ്ലാദേശിനെതിരായ മത്സരത്തില് മികച്ച തുടക്കം നല്കിയ രോഹിത് ശര്മയും കെ.എല്. രാഹുലും റെക്കോഡ് ബുക്കില്. ലോകകപ്പില് ഇന്ത്യയുടെ ഏറ്റവും മികച്ച ഒന്നാം വിക്കറ്റ് പ്രകടനമാണ് ഇരുവരും ബെര്മിങ്ഹാമില് തീര്ത്ത്. രോഹിത്- രാഹുല് ഓപ്പണിംഗ് സഖ്യം 180 റണ്സ് നേടി.
ഹാമില്ട്ടണില് 2015 ലോകകപ്പില് രോഹിത് ശര്മയും ശിഖര് ധവാനും ചേര്ന്ന് അയര്ലന്ഡിനെതിരെ ഹാമില്ട്ടണില് നേടിയ 174 റണ്സിന്റെ റെക്കോര്ഡ് ഇതോടെ പഴങ്കഥയായി. കൂടാതെ ഈ ലോകകപ്പിലെ ഏറ്റവും മികച്ച ഓപ്പണിങ് വിക്കറ്റ് കൂട്ടുകെട്ടും ഇതുതന്നെ. ഇംഗ്ലണ്ടിന്റെ ജാസണ് റോയ്-ജോണി ബെയര്സ്റ്റോവ് സഖ്യം നേടിയ 160 റണ്സിന്റെ പ്രകടനവും രോഹിത്-രാഹുല് കൂട്ടുകെട്ടിന് മുന്നില് പിന്നിലായി.
കൂടാതെ ലോകകപ്പ് ചരിത്രത്തില് ഇത് നാലാം തവണയാണ് ഇന്ത്യന് ഓപ്പണര്മാര് 150 റണ്സില് കൂടുതല് നേടുന്നത്. 1996ലെ ലോകകപ്പില് സച്ചിന്-അജയ് ജഡേജ, 2003-ല് സച്ചിന്-സെവാഗ് എന്നീ ഓപ്പണിങ് സഖ്യവും ഇതിന് മുന്പ് 150 റണ്സില് കൂടുതല് നേടിയിരുന്നു.
