എജ്ബാസ്റ്റന്: ബാറ്റിങ് പ്രയാസകരമായ പിച്ചില് ക്ഷമയോടെ പിടിച്ചുനിന്ന ക്യാപ്റ്റന് കെയ്ന് വില്യംസന്റെ സെഞ്ചുറി മികവില് കിവീസിന് ദക്ഷിണാഫ്രിക്കക്കെതിരെ വിജയം. അവസാന ഓവറിലെ 2ാം പന്തില് പെഹ്ലുക്വായോയെ സിക്സറിനു പറത്തിയാണു കിവീസ് വിജയം ഉറപ്പിച്ചത്. ആവേശകരമായ മത്സരത്തില് ദക്ഷിണാഫ്രിക്കയെ 4 വിക്കറ്റിനു മറികടന്ന് ന്യൂസീലന്ഡ് ലോകകപ്പ് ക്രിക്കറ്റില് സെമിക്ക് അരികെ. 106 റണ്സോടെ പുറത്താകാതെനിന്ന ക്യാപ്റ്റന് കെയ്ന് വില്യംസനാണു കിവികളുടെ വിജയശില്പി. ഏഴാമനായി ഇറങ്ങി വെടിക്കെട്ട് ഷോട്ടുകളിലൂടെ റണ്നിരക്ക് ഉയര്ത്തിയ ഗ്രാന്ഡ്ഹോമും (47 പന്തുകളില് 60) കിവീസ് വിജയത്തില് പ്രധാന പങ്കുവഹിച്ചു.
മഴമൂലം 49 ഓവറാക്കി ചുരുക്കിയ മത്സരത്തില് അവസാന ഓവറുകളില് തകര്ത്തടിച്ച വാന് ഡെര് ദസന് (67), മെല്ലെയാണെങ്കിലും ഇന്നിങ്സ് പടുത്തുയര്ത്തിയ ഹാഷിം അംല (55) എന്നിവര് ദക്ഷിണാഫ്രിക്കയ്ക്കായി മികച്ചുനിന്നു. നാലിലേറെ ക്യാച്ചുകള് ഫീല്ഡില് ദക്ഷിണാഫ്രിക്കന് താരങ്ങള് നിലത്തിട്ടു.
സ്കോര്: ദക്ഷിണാഫ്രിക്ക 49 ഓവറില് 6ന് 241, ന്യൂസീലന്ഡ് 48.3 ഓവറില് 6ന് 245. ലോകകപ്പില് ഒരു മത്സരംപോലും തോല്ക്കാതെ കിവികളുടെ 4ാം ജയം. 5 കളികളില്നിന്ന് 9 പോയിന്റുമായി കിവീസ് പട്ടികയില് ഒന്നാമതെത്തി. 4ാം തോല്വിയോടെ 3 പോയിന്റുമായി ദക്ഷിണാഫ്രിക്ക എട്ടാമത്.
