കോട്ടയം: ഡെറാഡൂണിലെ ഇന്ത്യന് മിലിട്ടറി അക്കാദമിയില് നിന്ന് കമ്മീഷന്ഡ് ഓഫീസര് റാങ്കില് പരിശീലനം പൂര്ത്തിയാക്കി മൂന്ന് മലയാളികള്. ആലപ്പുഴ കുട്ടനാട് വെളിയനാട് ചെന്നക്കാട് വീട്ടില് രൂപക് രാജീവ്, തിരുവനന്തപുരം കഴക്കൂട്ടം സ്വദേശി യു.എസ്. അഭിജിത്ത്, ഇടുക്കി സ്വദേശി വി.എസ്. അഭിജിത്ത് എന്നിവരാണ് ഡെറാഡൂണ് മിലിട്ടറി അക്കാദമിയില് നിന്ന് യുദ്ധതന്ത്രത്തില് പരിശീലനം പൂര്ത്തികരിച്ചത്. രൂപക് രാജീവും, യു.എസ്. അഭിജിത്തും കഴക്കൂട്ടം സൈനിക് സ്കൂളില് പഠിച്ചവരാണ്.
രൂപക് രാജീവിന് യുദ്ധടാങ്കുകളുടെ വിന്യാസവും, ശത്രുവിനെ പ്രതിരോധിക്കുന്നതിനും, പ്രത്യാക്രമണം നടത്തുന്നതിനുമുള്ള തന്ത്രങ്ങളിലാണ് പരിശീലനം ലഭിച്ചിട്ടുള്ളത്. യു.എസ്. അഭിജിത്ത് കരസേനയുടെ ഹെലിക്കോപ്റ്ററുകള് പറത്തുന്നതിനും, ശത്രുക്കളെ നിരീക്ഷിക്കുന്നതിനുമുള്ള പരിശീലനമാണ് നേടിയത്. വി.എസ്. അഭിജിത്തിന് യന്ത്രത്തോക്കുകള് സജ്ജമാക്കുന്ന മേഖലയിലുള്ള പരിശീലനമാണ് ലഭിച്ചത്. ഇതിന് പുറമേ യുദ്ധതന്ത്രപരിശീലനം, ആയുധപരിശീലനം, കായികപരിശീലനം, ഭൂപടപഠനം, നേതൃത്വപരിശീലനം, ഭരണപരമായ പരിശീലനവും നല്കിയിട്ടുണ്ട്.
സൈനിക വിഷയങ്ങളിലെല്ലാം പരിപൂര്ണ പരിജ്ഞാനം എല്ലാ ഉദ്യോഗസ്ഥര്ക്കും ഉണ്ടായിരിക്കണമെന്നതാണ് ഈ പരിശീലനം കൊണ്ട് ലക്ഷ്യം വയ്ക്കുന്നത്. ഡെറാഡൂണിലെ ഇന്ത്യന് മിലിട്ടറി അക്കാദമിയില് നിന്ന് ഇന്നലെ 465 പേരാണ് പുറത്തിറങ്ങിയത്. ഇതില് 388 പേര് ഇന്ത്യന് കരസേനയില് ലഫ്റ്റനന്റ് റാങ്കില് ഉദ്യോഗസ്ഥരായി. 77 പേര് അഫ്ഗാനിസ്ഥാന്, താജിക്കിസ്ഥാന്, നേപ്പാള്, ഭൂട്ടാന്, മ്യാന്മര്, ഫിജി, ലസോതു, മൗറീഷ്യസ്, പാപുവ ന്യൂഗിനിയ, ശ്രീലങ്ക തുടങ്ങിയ രാജ്യങ്ങളില് നിന്നുള്ള സൈനിക ഉദ്യോഗസ്ഥരാണ്.
