പത്തനാപുരം: തെരഞ്ഞെടുപ്പിന് വോട്ട് ചെയ്യാന് പോയവര് സര്ക്കാരിനെ മറന്ന് അയ്യപ്പനെ ഓര്ത്തതാണ് പരാജയകാരണമെന്ന് ദേവസ്വം മന്ത്രി കടകംപള്ളി സുരേന്ദ്രന് പറഞ്ഞു. പത്തനാപുരം കാര്ഷിക ഗ്രാമവികസനബാങ്കിന്റെ തലവൂര് ബ്രാഞ്ചിന്റെ ഉല്ഘാടനം നിര്വഹിക്കുകയായിരുന്നു അദ്ദേഹം. സംസ്ഥാനത്തെ വികസനപ്രവര്ത്തനങ്ങള് അനുസരിച്ചുള്ള വോട്ട് ലോക്സഭ തെരഞ്ഞെടുപ്പില് ഇടതുമുന്നണിയ്ക്ക് ലഭിച്ചില്ല.
വോട്ട് ചെയ്തപ്പോള് എല്ലാവരും അയ്യപ്പനെ ഓര്ത്തു.കോടതി വിധി നടപ്പിലാക്കിയത് ധാര്ഷ്ട്യമായി കാണാന് കഴിയില്ല.എല്ലാ പദ്ധതികളിലും മുഖ്യമന്ത്രിയുടെ നിശ്ചയദാര്ഢ്യമുണ്ട്.പിണറായി വിജയന്റെ നിശ്ചയദാര്ഡ്യത്തെ പ്രതിപക്ഷങ്ങള് ധാര്ഷ്ട്യമായി ചിത്രീകരിക്കുകയാണ് ചെയ്യുന്നത്.ശബരിമല വിഷയം ആചാരാനുഷ്ഠാനങ്ങളെ സംബന്ധിക്കുന്നത് ആകയാല് പണ്ഡിതന്മാര് അടങ്ങുന്ന ഒരു സമിതിയെ നിയോഗിക്കണമെന്നാണ് സര്ക്കാര് ആവശ്യപ്പെട്ടിരിക്കുന്നത്.
പ്രളയബാധിതരുടെ പുനരാധിവാസവുമായി ബന്ധപ്പെട്ട് സഹകരണവകുപ്പ് ഭൂമിയില്ലാത്തവര്ക്ക് ഫ്ലാറ്റുകള് നിര്മ്മിച്ച് നല്കും. പതിനാല് ജില്ലകളിലും ഓരോ ഫ്ലാറ്റ് സമുച്ചയങ്ങള് നിര്മ്മിക്കുകയാണ് വകുപ്പിന്റെ ലക്ഷ്യം.കേരള ബാങ്കിനായുള്ള പ്രാരംഭപ്രവര്ത്തനങ്ങള് മാര്ച്ച് മാസത്തില് സര്ക്കാര് ആരംഭിച്ചുവെന്നും മന്ത്രി കൂട്ടിചേര്ത്തു.
എം.എല്.എ കെ.ബി.ഗണേഷ്കുമാര് അധ്യക്ഷത വഹിച്ചു.കെയര് കേരള വഴി നിര്മ്മിച്ച വീടിന്റെ താക്കോല്ദാനം അപര്ണ്ണ പ്രതാപ് നിര്വഹിച്ചു.ചടങ്ങില് വച്ച് എസ്.എസ്.എല്.സി,പ്ലസ്ടു,ബിരുദം പരീക്ഷകളിലെ വിജയികളെ അനുമോദിച്ചു.കുടുംബശ്രീ ഗ്രൂപ്പുകളെയും കര്ഷകരെയും ആദരിച്ചു.കാര്ഷിക വികസന ബാങ്ക് പ്രസിഡന്റ് ബി.അജയകുമാര് സ്വാഗതം ആശംസിച്ചു.സെക്രട്ടറി എസ്.ഷാജികുമാര് റിപ്പോര്ട്ട് അവതരിപ്പിച്ചു.
കൊടിക്കുന്നില് സുരേഷ് എം.പി,കെ.രാജഗോപാല്,ജില്ലാ പഞ്ചായത്ത് വൈസ് പ്രസിഡന്റ് അഡ്വ.എസ്.വേണുഗോപാല്,ബ്ലോക്ക് പഞ്ചായത്ത് പ്രസിഡന്റ് എസ്.സജീഷ്,സി.വിജയന്,മീരാപിള്ള,ബാബു മാത്യു,റ്റി.എം.ബിജു,നജീബ്, വിളക്കുടി ചന്ദ്രന്, ഖാന്,എന്.ജഗദീശന്,ശശികലമോഹന്,ആര്.എല്.വിഷ്ണുകുമാര് എന്നിവര് പങ്കെടുത്തു.
