കൊല്ക്കത്ത: അതിര്ത്തിയില് ഒളിവില് കഴിയുന്ന വിഘടനവാദികള്ക്കെതിരായ നീക്കത്തില് മ്യാന്മാര് പൂര്ണ പിന്തുണ നല്കുമെന്ന് അറിയിച്ചതായി പൂര്വമേഖലാ കമാന്ഡിങ് ഇന് ചീഫ് ലെഫ്റ്റനന്റ് ജനറല് മനോജ് മുകുന്ദ് നരവാനെ. ഇരു രാജ്യങ്ങളും തമ്മിലുള്ള തുടര്ച്ചയായ ചര്ച്ചകള് പുരോഗമിക്കവെയാണ് വിഘടനവാദികള്ക്കെതിരായ പോരാട്ടത്തില് ഇന്ത്യക്കൊപ്പം നില്ക്കാമെന്ന് മ്യാന്മാര് അറിയിച്ചതെന്ന് പൂര്വമേഖലാ സൈനിക ആസ്ഥാനത്ത് ഒരു ചടങ്ങില് പറഞ്ഞു.
നിലവില് അന്തരീക്ഷം ശാന്തമായിടത്ത് വീണ്ടും വെടിനിര്ത്തല് കരാര് ലംഘനം ഉണ്ടാകാതാരിക്കണമെങ്കില് ധിക്കാരം അടക്കിനിര്ത്താന് വിഘടനവാദികള്ക്ക് ലഫ്. ജനറല് നരവാനെ താക്കീത് നല്കി. മ്യാന്മാറുമായുള്ള ചര്ച്ചയില് ഏറെ പുരോഗതി നേടി. ഇന്ത്യയില് നിന്ന് നുഴഞ്ഞുകയറുന്ന വിഘടനവാദികള്ക്കെതിരെ മ്യാന്മാര് സൈനിക നീക്കം ആരംഭിച്ചു കഴിഞ്ഞു. തീവ്രവാദികള്ക്ക് അഭയം നല്കുകയോ, അവിടെ നിന്ന് കൊണ്ട് ഇന്ത്യക്കെതിരെ തീവ്രവാദ പ്രവര്ത്തനം ആസൂത്രണം ചെയ്യാന് അനുവദിക്കുകയോ ഇല്ലെന്നും മ്യാന്മാര് അറിയിച്ചിട്ടുണ്ട്, നരവാനെ പറഞ്ഞു.
അടുത്തിടെ വടക്ക് കിഴക്കന് മേഖലയില് ഭീകരസംഘങ്ങള് അക്രമം അഴിച്ചുവിട്ട സംഭവത്തില് ആശങ്കപ്പെടേണ്ട സാഹചര്യം നിലവിലില്ലെന്നും സ്ഥിതി നിയന്ത്രണ വിധേയമാണെന്നും അദ്ദേഹം പറഞ്ഞു.
സ്വന്തം നേതാക്കളുടെ വാക്കുകള് പോലും അനുസരിക്കാന് തയാറാകാത്ത എന്എസ്സിഎന്നിലെ ചില ധിക്കാരികള് കാരണമാണ് മണിപ്പൂരില് വെടിനിര്ത്തല് കരാര് ലംഘിക്കേണ്ടി വന്നതെന്നും അവരെ അടക്കി നിര്ത്തേണ്ടത് സംഘടനകള് തന്നെയാണെന്നും നരവാനെ പറഞ്ഞു.
