തിരുവനന്തപുരം: മുഖ്യമന്ത്രിയെ വെല്ലുവിളിച്ച് ശബരിമല കർമ്മസമിതി. ശബരിമല വിഷയത്തിൽ മുഖ്യമന്ത്രി ധാർഷ്ട്യം കാണിക്കാനാണ് ഭാവമെങ്കിൽ കണ്ടറിയാമെന്ന് ശബരിമല കർമ്മസമിതി. ശബരിമല സമരം കൂടുതൽ ശക്തമാക്കും. ശബരിമല വിഷയത്തിൽ ഇടപെടുമെന്ന കേന്ദ്രമന്ത്രി വി.മുരളീധരന്റെ പ്രസ്താവന സ്വാഗതം ചെയ്യുന്നുവെന്നും കർമ്മസമിതി നേതാവ് എസ്‌ജെആർ കുമാർ പറഞ്ഞു.
നിയമപരവും ഭരണഘടനാപരവുമായ എല്ലാ സാധ്യതകളും വിഷയത്തിൽ പരിഗണിക്കും. നിയമവിദഗ്ധരുമായി ചേർന്ന് പ്രതിവിധി കണ്ടെത്താൻ ശ്രമിക്കുകയാണെന്നും എസ്‌ജെആർ കുമാർ പറഞ്ഞു. വിശ്വാസാചരങ്ങള്‍ പരിഷ്‌കരിക്കേണ്ട വിധവും അതില്‍ വിശ്വാസികള്‍ക്ക് പരമാധികാരവും ഉറപ്പാക്കുന്ന സമഗ്ര നിയമനിര്‍മാണത്തിനാണ് കര്‍മ സമിതി ആവശ്യപ്പെടുന്നത്.
സുപ്രീം കോടതിയുടെ ഉത്തരവ് ശബരിമലയില്‍ യുവതികളുടെ പ്രവേശനവിഷയത്തില്‍ മാത്രമല്ല. മൂര്‍ത്തിയുടെ അവകാശങ്ങളും അധികാരങ്ങളും ഇല്ലാതാക്കുന്നതും ആരാധനാലയങ്ങള്‍ പൊതു ഇടങ്ങളാണെന്ന് പ്രഖ്യാപിക്കുന്നതുമാണെന്നും കർമസമിതി വ്യക്തമാക്കുന്നു.
