കൊച്ചി : ഫുഡ് സേഫ്റ്റി ഓഫീസര് തസ്തികയിലേക്ക് പിഎസ്സി നടത്തിയ പരീക്ഷയില് ഒരു ചോദ്യത്തിന്റെ ഉത്തരം തെറ്റായതിനാല് ഇതിനനുസരിച്ച് റാങ്ക് ലിസ്റ്റ് പുനഃക്രമീകരിച്ച് നിയമനം നടത്തണമെന്ന കേരള അഡ്മിനിസ്ട്രേറ്റീവ് ട്രൈബ്യൂണലിന്റെ (കെഎടി) ഉത്തരവ് ഹൈക്കോടതി റദ്ദാക്കി.
കെഎടിയുടെ ഉത്തരവിനെതിരെ പിഎസ്സി നല്കിയ അപ്പീല് അനുവദിച്ചാണ് ഡിവിഷന് ബെഞ്ചിന്റെ വിധി.
ഫ്രൂട്ട് ജാമിലെ ടോട്ടല് സൊല്യൂബിള് സോളിഡിന്റെ (ടിഎസ്എസ്) അളവ് എത്ര ശതമാനത്തില് കുറയരുതെന്ന ചോദ്യമാണ് കോടതി കയറിയത്. നാല് ഉത്തരങ്ങളും നല്കിയിരുന്നു. ഇതില് ആദ്യ ഉത്തരം (68 ശതമാനം) ശരിയാണെന്നാണ് പിഎസ്സിയുടെ ഉത്തര സൂചികയില് പറഞ്ഞിരുന്നത്. എന്നാല് ഇതു തെറ്റാണെന്നും മൂന്നാമത്തെ ഉത്തരമാണ് (65 ശതമാനം) ശരിയെന്നും ചൂണ്ടിക്കാട്ടി ഉദ്യോഗാര്ത്ഥികളില് ചിലര് കെ.എ.ടിയെ സമീപിച്ചു. ഇതിനിടെ പിഎസ്സി 2016 മാര്ച്ച് 30 ന് ചുരുക്കപ്പട്ടികയും 2016 സെപ്തംബര് ഒമ്പതിന് അന്തിമ ലിസ്റ്റും പ്രസിദ്ധീകരിച്ചു. എന്നാല് ഹര്ജി ശരിവച്ച കെഎടി ഈ തെറ്റ് കണക്കിലെടുത്ത് റാങ്ക് ലിസ്റ്റ് പുന: ക്രമീകരിക്കാനാണ് ഉത്തരവിട്ടത്. റാങ്ക് ലിസ്റ്റില് നിന്ന് 50 പേര്ക്ക് അഡൈ്വസ് മെമ്മോ നല്കിയെന്നും ഇനി റാങ്ക് ലിസ്റ്റ് പുന: ക്രമീകരിക്കാന് കഴിയില്ലെന്നും ചൂണ്ടിക്കാട്ടിയാണ് പിഎസ്സി അപ്പീല് നല്കിയിരുന്നത്.
.
