കോഴിക്കോട് : നിഖാബ് നിരോധിച്ച് ഉത്തരവിറക്കിയതിന് എംഇഎസ് പ്രസിഡന്റ് ഫസല് ഗഫൂറിനെതിരെ പ്രതിഷേധവുമായി സമസ്ത നേതാക്കള്. എംഇഎസിന്റെ സ്ഥാപനങ്ങളിലെ ഈ ഉത്തരവ് വ്യക്തി സ്വാതന്ത്ര്യത്തെ ഹനിക്കുന്നതിന് തുല്യമാണെന്നും പറഞ്ഞു. കോഴിക്കോട് വാര്ത്താ സമ്മേളനത്തില് സംസാരിക്കവേയാണ് ഇക്കാര്യം അറിയിച്ചത്.
ജനാധിപത്യ രാജ്യത്ത് നിഖാബ് ധരിച്ചതിന്റെ പേരില് ഒരു വിദ്യാര്ത്ഥിക്ക് പഠിക്കാനുള്ള അവകാശം നിഷേധിക്കുന്നത് ഭരണഘടനാ ലംഘനമാണ് ന്യൂനപക്ഷങ്ങളുടെ അവകാശവും വ്യക്തിസ്വാതന്ത്ര്യവും സംരക്ഷിക്കുന്നതിന് എല്ലാ പിന്തുണയും നല്കും. ഇതിനെ ന്യായീകരിക്കാത്തതിന്റെ പേരില് മത മേലധ്യക്ഷന്മാരെ അധിക്ഷേപിക്കുന്നത് അങ്ങേയറ്റം അപലപനീയമാണ്. എംഇഎസിന്റെ വിദ്യാര്ത്ഥി വിരുദ്ധ നയങ്ങളെ ശക്തമായി നേരിടുമെന്നും സമസ്ത അറിയിച്ചു.
എസ്വൈഎസ് വര്ക്കിങ് സെക്രട്ടറി അബ്ദുല് ഹമീദ് ഫൈസി അമ്പലക്കടവ്, എസ്എംഎഫ് വര്ക്കിങ് സെക്രട്ടറി യു. മുഹമ്മദ് ശാഫി ഹാജി, എസ്കെഎംഇഎ ജനറള് സെക്രട്ടറി മുസ്തഫ മുണ്ടുപാറ, എസ്കെജെഎംസിസി മാനേജര് എം.എ. ചേളാരി, എസ്കെഎസ്എസ്എഫ് ജനറല് സെക്രട്ടറി സത്താര് പന്തലൂര് എന്നിവര് വാര്ത്താ സമ്മേളനത്തില് പങ്കെടുത്തു.
