കണ്ണൂര്: അച്ഛന്റെ ജ്വലിക്കുന്ന ഓര്മ്മകള്ക്ക് മുന്നില് വിസ്മയക്ക് എല്ലാ വിഷയത്തിലും എ പ്ലസ്. സിപിഎം അക്രമിസംഘം വീട്ടില്ക്കയറി വെട്ടിക്കൊലപ്പെടുത്തിയ അണ്ടല്ലൂരിലെ ബിജെപി പ്രവര്ത്തകനായിരുന്ന സന്തോഷിന്റെ മകളാണ് വിസ്മയ. ചെറുപ്രായത്തില്ത്തന്നെ അച്ഛനെ നഷ്ടപ്പെട്ട വിസ്മയ അതിന്റെ ഞെട്ടലില് നിന്ന് ഇപ്പോഴും മുക്തയല്ലെങ്കിലും പഠന വഴിയില് മികച്ച നിലവാരം പുലര്ത്തി വരികയായിരുന്നു.
തനിക്ക് മുഴുവന് വിഷയത്തിലും എ പ്ലസ് ലഭിച്ച വാര്ത്തയറിയാന് പിതാവ് ഇല്ലാത്ത സങ്കടത്തിലാണ് വിസ്മയ. എസ്എസ്എല്സി പരീക്ഷയത്തില് എല്ലാ വിഷയത്തിനും എപ്ലസ് വാങ്ങി വിജയിച്ചതോടെ വിസ്മയ ശ്രദ്ദേയയായിരിക്കുകയാണ്. വിസ്മയുടെ മികച്ച വിജയത്തിന് നിരവധി പേര് നേരിട്ടും ഫോണ്വഴിയും ഇന്നലെ ആശംസ നേര്ന്നു.
മാര്ക്സിസ്റ്റ് അക്രമികള് അച്ഛനെ ഇല്ലാതാക്കിയതെന്തിനാണെന്ന് ചോദിച്ചു കൊണ്ട് വിസ്മയ എഴുതിയ കുറിപ്പ് സന്തോഷിന്റെ കൊലപാതകാനന്തരം ഏറെ ചര്ച്ച ചെയ്യപ്പെട്ടിരുന്നു. കടമ്പൂര് എച്ച്എസ്എസില് നിന്നാണ് വിസ്മയ മികച്ച വിജയം നേടിയത്.
