കൊച്ചി: തീവ്രവാദത്തെ വോട്ട് ബാങ്ക് രാഷ്ട്രീയത്തിനായി പ്രോത്സാഹിപ്പിക്കുന്ന രാഷ്ട്രീയ പാര്ട്ടികള് മാറി മാറി ഭരിച്ച് കേരളത്തെ ഭീകരവാദത്തിന്റെ പ്രഭവകേന്ദ്രമാക്കി മാറ്റിയെന്ന് വിഎച്ച്പി സംസ്ഥാന അധ്യഷന് എസ്.ജെ.അര്.കുമാര്.
ലോകത്തെ മറ്റു രാജ്യങ്ങളിലും ഭീകരവാദം വളര്ത്തുന്നതില് കേരളത്തിന്റെ പങ്ക് ശ്രീലങ്കയില് നടന്ന സംഭവങ്ങളോടുകൂടി വ്യക്തമായിക്കഴിഞ്ഞു. ശ്രീലങ്കയില് സ്ഫോടനം നടത്തുന്നതിന് വേണ്ടി തീവ്രവാദികള്ക്ക് ബോംബ് നിര്മ്മിക്കാന് വേണ്ട പരിശീലനം കേരളത്തില് നിന്നും ലഭിച്ചു എന്ന റിപ്പോര്ട്ടുകള് ഇന്ന് ലോകമെമ്പാടും ചര്ച്ചയാണ്.
ലൗ ജിഹാദിന്റെ ഇരകളായി കേരളത്തിലെ ഹിന്ദു -ക്രിസ്ത്യന് പെണ്കുട്ടികള് മാതാപിതാക്കളില് നിന്നും അപഹരിക്കപ്പെട്ടപ്പോള് അങ്ങനെ ഒന്നില്ല എന്ന് പറഞ്ഞ് കേരളത്തില് മാറി മാറി വന്ന സര്ക്കാരുകളും പോലീസും കോടതികളെയും പൊതുജനങ്ങളെയും കബളിപ്പിക്കുകയാണ് ചെയ്തത്. ലവ് ജിഹാദിന്റെ ഇരയായി മതം മാറ്റപ്പെട്ട ഒരു പെണ്കുട്ടിയാണ് ശ്രീലങ്കയില് ചാവേറായതെന്ന കാര്യം ഞ്ഞെട്ടിക്കുന്നതാണ്.
തീവ്രവാദത്തിന് വേണ്ടി വിദേശങ്ങളില് നിന്നും വരുന്ന കള്ളപ്പണവും കള്ളക്കടത്തിലൂടെ എത്തുന്ന സ്വര്ണ്ണവും ഹവാല പണവുമെല്ലാം ദിവസേന എത്തിക്കൊണ്ടിരിക്കുന്ന കേരളത്തില് അതിന്റെ പങ്ക് പറ്റുന്നവരെക്കുറിച്ച് അന്വഷിക്കണമെന്ന് അദ്ദേഹം ആവശ്യപ്പെട്ടു.
