തിരുവനന്തപുരം: പഠിക്കാന്പോലും അനുവദിക്കാതെ എസ്എഫ്ഐക്കാര് നിരന്തരം ഭീഷണിപ്പെടുത്തിയതിനെത്തുടര്ന്ന് തിരുവനന്തപുരം യൂണിവേഴ്സിറ്റി കോളേജില് പെണ്കുട്ടി ആത്മഹത്യക്ക് ശ്രമിച്ച കേസ് ഒതുക്കാന് സര്ക്കാര് നീക്കം. സംഭവത്തില് സംസ്ഥാന മനുഷ്യാവകാശ കമ്മീഷന് സ്വമേധയാ കേസെടുത്തപ്പോള്, ആത്മഹത്യാശ്രമത്തിന് കേസെടുത്ത് എസ്എഫഐക്കാരെ സംരക്ഷിക്കാനാണ് പോലീസ് നീക്കം. ഉന്നത വിദ്യാഭ്യാസ മന്ത്രി കെ.ടി. ജലീല് ഉന്നത വിദ്യാഭ്യാസ ഡയറക്ടറോട് റിപ്പോര്ട്ട് തേടിയതും എസ്എഫ്ഐക്കാരെ രക്ഷിക്കാനെന്ന് ആരോപണം.
വെള്ളിയാഴ്ചയാണ് വിദ്യാര്ഥിനിയെ കൈഞരമ്പ് മുറിച്ച നിലയില് കോളേജിലെ റസ്റ്റ് റൂമില് കണ്ടെത്തിയത്. വ്യഴാഴ്ച മുതല് കുട്ടിയെ കാണാനില്ലെന്നുകാട്ടി വീട്ടുകാര് ആറ്റിങ്ങല് പോലീസില് പരാതി നല്കിയിരുന്നു. പെണ്കുട്ടിയില് നിന്ന് ലഭിച്ച കുറിപ്പിലാണ് എസ്എഫ്ഐ കോളേജിനുള്ളില് നടത്തുന്ന പീഡനങ്ങളെകുറിച്ചും അധ്യാപകരുടെയും പ്രിന്സിപ്പാൡന്റെയും നടപടികളെക്കുറിച്ചും പരാമര്ശിക്കുന്നത്. റാഗിങ്ങിന് സമാനമായ കാര്യങ്ങളാണ് ആത്മഹത്യാക്കുറിപ്പില് പറഞ്ഞിരിക്കുന്നത്.
അതേസമയം, ആര്ക്കെതിരെയും പരാതിയില്ലെന്നും ആത്മഹത്യയ്ക്കു ശ്രമിച്ചത് മാനസികസമ്മര്ദം മൂലമാണെന്നും പെണ്കുട്ടി മൊഴി നല്കി. സമരം മൂലം ക്ലാസ് മുടങ്ങിയതില് വിഷമമുണ്ടായിരുന്നുവെന്നും പെണ്കുട്ടി വ്യക്തമാക്കി. ആറ്റിങ്ങല് കോടതിയില് ഹാജരാക്കിയ പെണ്കുട്ടിയെ ബന്ധുക്കള്ക്കൊപ്പം വിട്ടു.
ജന്മഭൂമി ഓണ്ലൈന്