തിരുവനന്തപുരം: സെക്രട്ടേറിയേറ്റിന് വിളിപ്പാടകലെ തമ്പാനൂരില് നിന്ന് സംശയാസ്പദമായ സാഹചര്യത്തില് ശ്രീലങ്കന് സ്വദേശിയെ പോലീസ് പിടികൂടി. തമ്പാനൂര് ബസ് ടെര്മിനലിന് സമീപം നിന്ന ഇയാളെ വൈകുന്നരമാണ് പോലീസ് കണ്ടത്. ഇയാളുടെ കൈവശം വ്യക്തമായ രേഖകള് ഇല്ല. കേന്ദ്ര-സംസ്ഥാന ഇന്റലിജന്സും പോലീസും തമ്പാനൂര് പോലീസ് സ്റ്റേഷനിലെത്തി ചോദ്യം ചെയ്തു.
മുപ്പത്തഞ്ച് വയസ്സ് തോന്നിക്കുന്ന ഇയാള് ചോദ്യങ്ങള്ക്ക് പലതിനും വ്യക്തമായി മറുപടി നല്കുന്നില്ല. ശ്രീലങ്കന് ഭാഷമാത്രമാണ് ഇയാള് സംസാരിക്കുന്നത്. പോലീസിന് ശ്രീലങ്കന് ഭാഷ അറിയാത്ത് ചോദ്യം ചെയ്യലിന് ബുദ്ധിമുട്ടുണ്ടാക്കുന്നുണ്ട്. ഒരു തിരിച്ചറിയല് രേഖയും ഇയാളുടെ കൈവശമില്ല. ദേശീയ അന്വേഷണ ഏജന്സിയെയും മറ്റ് വിഭാഗങ്ങളെയും സംസ്ഥാന പോലീസ് വിവരം അറിയിച്ചിട്ടുണ്ട്.
