കോഴിക്കോട്: എംഇഎസ് കോളേജിലെ വിദ്യാര്ത്ഥികള് ബുര്ഖ ധരിക്കുന്നതിന് നിരോധനം ഏര്പ്പെടുത്തിയതിനെ പിന്തുണച്ച് മന്ത്രി കെ.ടി. ജലീല്. മുഖം മറയ്ക്കാന് മതം പറയുന്നില്ല്. ഇതുസംബനധിച്ച് മത സമുദായ സംഘടനകള് ആത്മ പിരിശോധന നടത്തേണ്ടതുണ്ടെന്നും ജലീല് അറിയിച്ചു.
മുസ്ലിം എജ്യുക്കേഷണല് സൊസൈറ്റിയുടെ (എം.ഇ.എസ്) കീഴിലുള്ള വിദ്യാഭ്യാസ സ്ഥാപനങ്ങളില് മുഖം മറച്ചുള്ള വസ്ത്ര ധാരണം നിരോധിച്ചുകൊണ്ടുള്ള സര്ക്കുലറിനെതിരെ മതസംഘടനകളുടെ പ്രതിഷേധം ശക്തമായതിന് പിന്നാലെയാണ് ജലിലിന്റെ ഈ പ്രതികരണം. അതേസമയം വസ്ത്രധാരണ രീതിയില് ഏതെങ്കിലും ഒരു തീരുമാനം ജനങ്ങളില് അടിച്ചേല്പ്പിക്കാന് സര്ക്കാര് ഉദ്ദേശിക്കുന്നില്ല. മതം അനുശാസിക്കാത്ത വസ്ത്രധാരണ രീതി തുടരേണ്ടതുണ്ടോയെന്ന് ആത്മപരിശോധന നടത്തണണം. ഇക്കാര്യത്തില് സമവായമുണ്ടാക്കാന് മത സംഘടനകള് തന്നെ മുന്കൈയെടുക്കണമെന്നും മന്ത്രി പറഞ്ഞു.
ഹജ്ജ് ചെയ്യുമ്പോഴും നിസ്കരിക്കുമ്പോഴും മുസ്ലിം സ്ത്രീകള് മുഖം മറയ്ക്കാറില്ല. സ്ത്രീകള് മുഖവും പുറംകൈയും മറയ്ക്കരുതെന്നാണ് ഇസ്ലാം പറയുന്നത്. എന്നിട്ടും മുസ്ലിം സ്ത്രീകള് ബുര്ഖ ധരിക്കണമെന്ന് ചിലര് വാശിപിടിക്കുന്നത് ശരിയല്ലെന്നും ജലീല് വ്യക്തമാക്കി.
ബുര്ഖ പ്രചരിപ്പിക്കുന്നതിന് പിന്നില് കച്ചവട താല്പര്യങ്ങളാണ്. 313 നിറങ്ങളില് 786 തരം ബുര്ഖകള് നിര്മിക്കുന്നുവെന്ന പരസ്യ വാചകം വിശ്വാസത്തെ മുന്നിറുത്തി ലാഭം കൊയ്യാനുളള തന്ത്രമാണ്. എംഇഎസിനു കീഴിലുള്ള വിദ്യാഭ്യാസ സ്ഥാപനങ്ങളില് അധ്യാപകരും വിദ്യാര്ത്ഥികളും മുഖംമറച്ച വസ്ത്രം ധരിക്കരുത് എന്നാ് എംഇഎസ് കഴിഞ്ഞ ദിവസം സര്ക്കുലര് പുറത്തിറക്കിയിരുന്നു. സമസ്തയടക്കമള്ള മുസ്ലിം സംഘടനകള് ഇതിനെതിരെ രംഗത്തെത്തിക്കഴിഞ്ഞു.
