തിരുവനന്തപുരം: ലോക് സഭാ തെരഞ്ഞെടുപ്പിന് മത്സരിക്കുന്ന സ്ഥാനാര്ത്ഥികള് അവരുടെ ക്രിമിനല് കേസുകള് പരസ്യപ്പെടുത്തണമെന്ന മുന്നറിയിപ്പുമായി തെരഞ്ഞെടുപ്പ് കമ്മീഷന് രംഗത്ത്. കഴിഞ്ഞ സെപ്റ്റംബറില് സുപ്രീംകോടതിയുടെ അഞ്ചംഗ ബഞ്ച് പുറപ്പെടുവിച്ച ഉത്തരവിന്റെ പശ്ചാത്തലത്തിലാണിത്.
അതാത് ജില്ലകളില് ഏറ്റവും പ്രചാരമുള്ള മൂന്ന് പത്രങ്ങളില്, വോട്ടടുപ്പിന് 48 മണിക്കൂര് മുന്പ് മൂന്ന് തവണ പരസ്യം നല്കിയിരിക്കണം. ടെലിവിഷനില് 7 സെക്കന്റ് ദൈര്ഘ്യമുള്ള പരസ്യമാണ് നല്കേണ്ടത്. ഇതിന്റെ ചെലവ് സ്ഥാനാര്ത്ഥിയുടെ തെരഞ്ഞെടുപ്പ് ചെലവില് ഇത് വകയിരുത്തും. അല്ലാത്തപക്ഷം കോടതിയലക്ഷ്യത്തിനും തെരഞ്ഞെടുപ്പ് ഹര്ജികള്ക്കും ഇത് വഴിവച്ചേക്കും. ഉത്തരവ് നടപ്പിലാക്കാന് സുപ്രീംകോടതിയുടെ കര്ശന നിര്ദ്ദേശം തെരഞ്ഞെടുപ്പ് കമ്മീഷന് കിട്ടിയിട്ടുണ്ട്.
തെരഞ്ഞെടുപ്പ് കമ്മീഷന്റെ നിര്ദ്ദേശം പ്രായോഗികമല്ലെന്ന നിലപാടിലാണ് പ്രമുഖ്യരാഷ്ട്രീയ കക്ഷികള്. 75 ലക്ഷം രൂപയാണ് സ്ഥാനാര്ത്ഥിക്ക് ചെലവാക്കാവുന്ന പരമാവധി തുക. പരസ്യത്തിനുള്ള ചെലവും ഇതില് ഉള്ക്കൊള്ളിക്കുമ്പോള്, തെരഞ്ഞെടുപ്പ് ചെലവിന് പണമുണ്ടാകില്ലനാണ് പാര്ട്ടികളുടെ ആക്ഷപം. എന്നാല് സുപ്രീംകോടതിയുടെ ഉത്തരവില് ഇളവ് നല്കാന് തെരഞ്ഞടുപ്പ് കമ്മീഷന് കഴിയില്ല.
പ്രതികരിക്കാൻ ഇവിടെ എഴുതുക: