ആഗ്ര: ശ്രീരാമനെ ആരാധിക്കുന്നവരുടെ വോട്ടുകള് കോണ്ഗ്രസിന് കിട്ടില്ലെന്ന് കേന്ദ്രമന്ത്രി സ്മൃതി ഇറാനി.പ്രിയങ്കാ ഗാന്ധിയെ പരോക്ഷമായി വിമര്ശിച്ചായിരുന്നു കോണ്ഗ്രസിന് നേരെയുള്ള സ്മൃതി ഇറാനിയുടെ കടന്നാക്രമണം.
വലിയ രാമഭക്തരാണ് എന്നാണ് കോണ്ഗ്രസ് നേതാക്കളുടെ നാട്യം. ശ്രീരാമന് ജീവിച്ചിരുന്നില്ലെന്ന് കയ്യെഴുത്ത് പ്രതികള് ഒപ്പിട്ടു നല്കി വാദിച്ചവരാണ് അവര്. വോട്ട് ബാങ്ക് ചോരുമെന്ന് പേടിച്ച് ഒരിക്കല് പോലും രാമക്ഷേത്രത്തില് തൊഴാന് അവര് തയ്യാറായിട്ടില്ല. അതുകൊണ്ട് തന്നെ രാമഭക്തനായ ഒരാളുടെ വോട്ട് പോലും കോണ്ഗ്രസിന് ലഭിക്കില്ല. സ്മൃതി ഇറാനി പറഞ്ഞു.
അയോധ്യയിലെ ഹനുമാന് ക്ഷേത്രത്തില് പ്രിയങ്കാ ഗാന്ധി സന്ദര്ശനം നടത്തിയതിന് തൊട്ടുപിന്നാലെയാണ് സ്മൃതിയുടെ പരാമര്ശം വന്നത്. ഹനുമാന് ക്ഷേത്രം സന്ദര്ശിച്ച പ്രിയങ്ക അയോധ്യയിലെ രാം ലല്ല ക്ഷേത്രത്തില് കയറിയില്ല. ഇതാണ് സ്മൃതിയുടെ പരാമര്ശത്തിന് കാരണമായത്.
പ്രതികരിക്കാൻ ഇവിടെ എഴുതുക: