ന്യൂദല്ഹി: ഓടിക്കൊണ്ടിരുന്ന കാറിനു തീപിടിച്ച് അമ്മയും രണ്ടു പെണ്മക്കളും വെന്തുമരിച്ചു. ദല്ഹിയിലെ അക്ഷാര്ധം മേല്പ്പാലത്തിന് മുകളില് വെച്ചാണ് സംഭവം. അഞ്ജന മിശ്ര(34), മക്കളായ രിഥി (2), നിക്കി(5) എന്നിവരാണ് മരിച്ചത്. കാര് ഓടിച്ചിരുന്ന ഭര്ത്താവ് ഉപേന്ദര് മിശ്രയും മുന് സീറ്റിലിരിക്കുകയായിരുന്ന മകളും രക്ഷപ്പെട്ടു.
കാറില് തീ പടര്ന്നയുടന് ഭര്ത്താവ് ഉപേന്ദര് മിശ്ര മന്സീറ്റിലുണ്ടായിരുന്ന മകളെയും കൊണ്ട് പുറത്തുചാടി. ബാക്കിയുള്ളവരെ രക്ഷിക്കാന് ഉപേന്ദര് ശ്രമിച്ചെങ്കിലും പെട്ടെന്ന് തീ പടരുകയായിരുന്നു. പിന്സീറ്റില് ഇരുന്ന മൂന്നു പേരുടെയും ശരീരം തിരിച്ചറിയാന് കഴിയാത്ത വിധം കത്തിക്കരിഞ്ഞു പോയി.
കാറിലുണ്ടായിരുന്ന സിഎന്ജി ചോര്ന്നതാണ് തീപിടിത്തത്തിനു കാരണമെന്നാണ് പ്രാഥമിക നിഗമനം . സംഭവത്തെക്കുറിച്ച് പോലീസ് വിശദമായ അന്വേഷണം ആരംഭിച്ചിട്ടുണ്ട്.
