ന്യൂദല്ഹി : 13 വയസ്സില് താഴെയുള്ളവര് ചൈനീസ് ആപ്പായ ടിക് ടോക്കില് വീഡിയോ അപ്ലോഡ് ചെയ്യുന്നതിന് കര്ശ്ശന നിയന്ത്രണം. കുട്ടികളുടെ സ്വകാര്യത സംരക്ഷിക്കുന്നതിനുള്ള നിയമം ടിക് ടോക് പാലിക്കണമെന്ന ഫെഡറല് ട്രേഡ് കമ്മീഷന്റെ നിര്ദ്ദേശത്തെ തുടര്ന്നാണ് ഈ തീരുമാനം.
ചില്ഡ്രണ്സ് ഓണ്ലൈന് പ്രൈവസി പ്രൊട്ടക്ഷന് ആക്ട്(സിഒപിപിഎ) നിയമം ലംഘിച്ച് കുട്ടികളുടെ വീഡിയോകള് പ്രചരിപ്പിച്ചതിനെ തുടര്ന്ന് ടിക് ടോക്കിന് കമ്മീഷന് 39.14 കോടി രുപ(55 ലക്ഷം ഡോളര്) പിഴയൊടുക്കാന് ആവശ്യപ്പെട്ടിട്ടുണ്ട്.
ഈ നിര്ദ്ദേശ പ്രകാരം 13 വയസ്സില് താഴെയുള്ള കുട്ടികള്ക്ക് ടിക് ടോക്കിലെ വീഡിയോകളില് അഭിപ്രായം പറയുന്നതിനും നിയന്ത്രണമുണ്ട്. ബുധനാഴ്ച മുതല് പുതിയ നിയമം പ്രാബല്യത്തില് വരുന്നതാണ് അതോടെ 13 വയസ്സില് താഴെയുള്ള കുട്ടികള് ടിക് ടോക്കില് അപ്ലോഡ് ചെയ്തിട്ടുള്ള വീഡിയോകള് അപ്രത്യക്ഷമാകും.
സിഒപിപിഎ നിയമ പ്രകാരം 13 വയസ്സിന് താഴെയുള്ള കുട്ടികള്ക്ക് ആപ്പുകളോ, വെബ്സൈറ്റുകളോ ഉപയോഗിക്കണമെങ്കില് മാതാപിതാക്കളുടെ അനുവാദം വേണം.
