തലശ്ശേരി: തലശ്ശേരിയില് സപ്ലൈ ഓഫീസറും ഗ്യാസ് ഏജന്സികളും ഒത്തുകളിച്ച് ജനങ്ങളെ കബളിപ്പിക്കുകയാണെന്ന് ബിജെപി തലശ്ശേരി നിയോജക മണ്ഡലം കമ്മറ്റി ആരോപിച്ചു. ഗ്യാസ് ഏജന്സികളില് നടക്കുന്ന വ്യാരക ക്രമക്കേടുകള് പരിഹരിക്കുന്നതിന് കേന്ദ്രസര്ക്കാര് മുന്നോട്ടുവെച്ച പദ്ധതിയായ സോഷ്യല് മോണിറ്ററിങ്ങ് കമ്മറ്റി തലശ്ശേരിയിലെ ഒരു ഗ്യാസ് ഏജന്സിയിലും സ്ഥാപിക്കാന് സപ്ലൈ ഓഫീസര് തയ്യാറായിട്ടില്ല. ഇതുകാരണം നിശ്ചിത ദൂരപരിധിയില് ഉപഭോക്താവിന് സൗജന്യമായി ഗ്യാസ് വിതരണം ചെയ്യേണ്ട ഏജന്സികള് വാഹന ചാര്ജ്ജ്, സര്വ്വീസ് ചാര്ജ്ജ് തുടങ്ങിയ കാരണങ്ങള് നിരത്തി വന്തുക ഈടാക്കുകയാണ്. മോണിറ്ററിങ്ങ് കമ്മറ്റി രൂപീകരിക്കാത്തതിന് പിന്നില് സപ്ലൈ ഓഫീസറും ഗ്യാസ് ഏജന്സികളും തമ്മിലുള്ള ഒത്തുകളിയാണെന്നും എത്രയും പെട്ടെന്ന് മോണിറ്ററിങ്ങ് കമ്മറ്റികള് രൂപീകരിച്ചില്ലെങ്കില് സപ്ലൈ ഓഫീസിന് മുന്നില് ബിജെപി സമര പരിപാടികള് ആരംഭിക്കുമെന്നും മണ്ഡലം കമ്മറ്റി മുന്നറിയിപ്പ് നല്കി. മണ്ഡലം പ്രസിഡണ്ട് എം.പി.സുമേഷ് അധ്യക്ഷത വഹിച്ചു. എന്.ഹരിദാസ്, കെ.അജേഷ്, കെ.ലിജേഷ് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: