ന്യൂദല്ഹി: സ്വന്തം പ്രതിമകളും പാര്ട്ടി ചിഹ്നവും പടുത്തുയര്ത്താന് ബിഎസ് പി നേതാവ് മായാവതി ചെലവഴിച്ച പൊതുജനങ്ങളുടെ പണം തിരികെ നല്കണമെന്ന് സുപ്രീം കോടതി. പൊതുജനങ്ങളുടെ പണം പാര്ട്ടിയെ വളര്ത്താനും സ്വന്തം പ്രതിമകള് സ്ഥാപിക്കാനും മായാവതി ഉപയോഗിച്ചതിനെതിരെ ഒരു അഭിഭാഷകന് സമര്പ്പിച്ച പരാതിയിലാണ് കോടതി നിലപാട് വ്യക്തമാക്കിയത്.
വിഷയത്തില്, ചീഫ് ജസ്റ്റിസ് രഞ്ജന് ഗൊഗോയി, അഭിഭാഷകരായ ദീപ്ക ഗുപ്ത, സഞ്ജീവ് ഖന്ന എന്നിവരുള്പ്പെട്ട ബെഞ്ച് ഏപ്രില് രണ്ടിന് അവസാന വാദം കേള്ക്കും. 2009 ല് പ്രതിമാ നിര്മാണത്തിന്റെ പേരില് രൂക്ഷവിമര്ശനം നേരിട്ട മായാവതി യുപിയില് ബിഎസ്പിയുടെ ചിഹ്നമായ ആനയുടേതുള്പ്പെടെ 40 പ്രതിമകളാണ് സ്ഥാപിച്ചത്. 2008 09 വര്ഷത്തെ യുപി സാംസ്ക്കാരിക വകുപ്പിന്റെ ബജറ്റില് 194 കോടിയിലേറെ രൂപ് പ്രതിമാ നിര്മാണത്തിന് വകയിരുത്തിയിരുന്നു.
പ്രതിമകളുടേയും അതിനുമാത്രമായുള്ള പാര്ക്കുകളുടേയും നിര്മാണം നിര്ത്തിവെക്കാന് വൈകാതെ സുപ്രീം കോടതി ഉത്തരവിട്ടു. എന്നാല്, പാര്ക്കുകളില് പകുതി ഭാഗത്ത് മരങ്ങളും ചെടികളും നടാനും 25 ശതമാനം സ്ഥലത്തു മാത്രം നിര്മാണപ്രവര്ത്തനങ്ങള് നടത്താനും കോടതി പിന്നീട് അനുമതി നല്കിയിരുന്നു.
