മുംബൈ: ഭീം കൊറേഗാവ് കേസിലെ പ്രതികളിരൊളായ ആനന്ദ് തെല്തുംഡെയെ ഫെബ്രുവരി 12 അര്ധരാത്രി വരെ അറസ്റ്റ് ചെയ്യില്ലെന്ന് പൂനെ പോലീസ്.
പൂനെ പോലീസിനുവേണ്ടി സംസ്ഥാനത്തിന്റെ അഭിഭാഷകയായ അരുണ പൈയാണ് ഇക്കാര്യം ജസ്റ്റിസ് എന്.ഡബ്ല്യൂ. സാംബ്രേ അധ്യക്ഷനായ ബെഞ്ചിനെ ധരിപ്പിച്ചത്. അറസ്റ്റ് തടയണമെന്നാവശ്യപ്പെട്ടുള്ള ഹര്ജിക്കെതിരായ സത്യവാങ്മൂലം സമര്പ്പിക്കാന് കോടതി ഫെബ്രുവരി ഒന്പത് വരെ സമയം അനുവദിച്ചിട്ടുണ്ട്.
ഫെബ്രുവരി 11ാം തീയതി വരെ തനിക്കെതിരായ ആരോപണങ്ങള് തെറ്റാണെന്ന് തെളിയിക്കുവാന് സുപ്രീം കോടതി തെല്തുംഡെയക്ക് അവസരം നല്കിയിട്ടുള്ളതിനാലാണ്ഫെബ്രുവരി 12 വരെ ഇയാളെ അറസ്റ്റ് ചെയ്യില്ലെന്ന് അഭിഭാഷക ഹൈക്കോടതിയെ അറിയിച്ചത്.
2018 ജനുവരി ഒന്നിന് പൂനെയിലെ ഭീം കൊറേഗോവില് നടന്ന അക്രമങ്ങള്ക്ക് വഴിമരുന്നിട്ട എല്ഗാര് പരിഷത്തില് പ്രകോപനപരമായി പ്രസംഗിച്ചതിനാണ് മാവോയിസ്റ്റ് ബന്ധമുള്ള തെല്തുംഡെക്കെതിരെ യുഎപിഎ അടക്കമുള്ള വകുപ്പുകള് ചുമത്തി കേസെടുത്തത്.
കഴിഞ്ഞ ശനിയാഴ്ച മൂന്ന് മണിയോടെ മുംബൈ വിമാനത്താവളത്തില് വെച്ച് പോലീസ് അറസ്റ്റ് ചെയ്ത ഇയാളെ സെഷന്സ് കോടതി ജാമ്യത്തില് വിട്ടയച്ചിരുന്നു.
തുടര്ന്നാണ് കേസില് തനിക്ക് പങ്കില്ലെന്നുകാട്ടി മുന്കൂര് ജാമ്യത്തിനായി ഇയാള് ഹൈക്കോടതിയെ സമീപിച്ചത്.
