തിരുവനന്തപുരം : ഇറാന്, അഫ്ഗാന് മേഖലയില് നിന്നുള്ള ശീതക്കാറ്റ് വീശുന്നതാണ് രാജ്യത്ത് മുന് വര്ഷങ്ങളേക്കാള് തണുപ്പ് അനുഭവപ്പെടാന് കാരണമെന്ന് കാലാവസ്ഥാ നിരീക്ഷണ കേന്ദ്രം. ഇന്ത്യയിലാകെ അനുഭവപ്പെടുന്ന കൊടും തണുപ്പിന്റെ ഭാഗമായാണ് കേരളത്തിലും തണുപ്പ് വര്ധിച്ചത്.
അതേസമയം വരാന് പോകുന്ന കടുത്ത വരള്ച്ചയുടെ മുന്നോടിയാണ് ഈ കൊടും തണുപ്പ് എന്ന വിധത്തില് സമൂഹ മാധ്യമങ്ങളില് പ്രചരിക്കുന്ന വാര്ത്തകള് വ്യജമാണെന്നും കാലാവസ്ഥ നിരീക്ഷണ കേന്ദ്രം അറിയിച്ചു. ഇറാന്, അഫ്ഗാന് മേഖലയില്നിന്നുള്ള ശൈത്യ തരംഗങ്ങള് ഇന്ത്യന് ഉപ ഭൂഖണ്ഡത്തിലേക്ക് എത്തിയതാണ് മുന് വര്ഷങ്ങളെ അപേക്ഷിച്ച് കാലാവസ്ഥയില് മാറ്റമുണ്ടാക്കിയത്.
നാലു ദിവസം കൂടി ഈ തണുപ്പ് തുടരാനുള്ള സാധ്യതയുണ്ട്. കേരളത്തില് ഈ ആഴ്ച ഏറ്റവും കുറഞ്ഞ താപനില രേഖപ്പെടുത്തിയത് പുനലൂരിലാണ്. 16 ഡിഗ്രി സെല്ഷ്യസ്. കോട്ടയം ജില്ലയിലാണ് ഏറ്റവും താപനില കുറഞ്ഞത്. ഉച്ച സമയത്ത് കൊടും ചൂടും അനുഭവപ്പെടുന്നുണ്ട്.
