കോട്ടയം: മഞ്ചേശ്വരം മുതല് പാറശാലവരെ 26ന് നടക്കുന്ന അയ്യപ്പജ്യോതിയില് ഇടമുറിയാതെ ദീപം തെളിയിക്കാനുള്ള പാതകളുടെ രൂപരേഖ തയാറായി. കാസര്കോട് ജില്ലയിലെ ഹൊസങ്കടിയില് നിന്നാണ് ദീപ പ്രോജ്ജ്വലനം ആരംഭിക്കുക. ഹൊസങ്കടി മുതല് അങ്കമാലി വരെ ദേശീയ പാതയിലും തുടര്ന്ന് തിരുവനന്തപുരം വരെ എംസി റോഡിലുമാണ് അയ്യപ്പജ്യോതി. ഓരോ ജില്ലയുടെയും അതിര്ത്തിയിലെത്തി അടുത്ത ജില്ലയിലേക്ക് പ്രവേശിക്കുന്ന വിധത്തിലാണ് രൂപരേഖ. താലത്തില് വച്ചിട്ടുള്ള മണ്ചിരാതില് എള്ള് കിഴികെട്ടിയാണ് ദീപം തെളിക്കുന്നത്.
കാസര്കോട് ജില്ലയിലെ മഞ്ചേശ്വരം, ഉപ്പള, കുമ്പള, കാസര്കോട്, ഉദുമ, കാഞ്ഞങ്ങാട്, നീലേശ്വരം, ചെറുവത്തൂര്, കാലിക്കടവ് വഴി കണ്ണൂര്-വയനാട് ജില്ലകളിലെ പയ്യന്നൂര്, തളിപ്പറമ്പ്, കണ്ണൂര്, തലശ്ശേരി, മാഹി, അഴിയൂര് എന്നിവിടങ്ങളില് എത്തും. തുടര്ന്ന് കോഴിക്കോട് ജില്ലയിലെ വടകര, പയ്യോളി, കൊയിലാണ്ടി, കോഴിക്കോട്, ഇടിമുഴിക്കല്. മലപ്പുറം-പാലക്കാട് ജില്ലകളിലെ യൂണിവേഴ്സിറ്റി, ചേളാരി, ചെട്ടിപ്പടി, പരപ്പനങ്ങാടി, താനൂര്, തിരൂര്, ബിപി അങ്ങാടി, തിരുന്നാവായ, കുറ്റിപ്പുറം, എടപ്പാള്, ചങ്ങരംകുളം, കൊരട്ടിക്കര. തൃശൂര് ജില്ലയിലെ കടവല്ലൂര്, പെരുമ്പിലാവ്, കുന്ദംകുളം, കേച്ചേരി, പൂങ്കുന്നം, തൃശൂര്, ഒല്ലൂര്, ആമ്പല്ലൂര്, പുതുക്കാട്, കൊടകര, ചാലക്കുടി, കൊരട്ടി, ചിറങ്ങര. എറണാകുളം ജില്ലയിലെ കറുകുറ്റി, അങ്കമാലി, കാലടി, പെരുമ്പാവൂര്, മൂവാറ്റുപുഴ, വാഴക്കുളം. ഇടുക്കി ജില്ലയില് വെങ്ങല്ലൂര്, തൊടുപുഴ, കരിങ്കുന്നം, നെല്ലാപ്പാറ. കോട്ടയം ജില്ലയിലെ പാലാ, കിടങ്ങൂര്, ഏറ്റുമാനൂര്, കോട്ടയം, ചിങ്ങവനം, ചങ്ങനാശ്ശേരി, ഇടിഞ്ഞില്ലം.
തുടര്ന്ന് തിരുവല്ല, ചെങ്ങന്നൂര്, പന്തളം, അടൂര് ഏനാത്ത് എന്നിവിടങ്ങൡലൂടെ പത്തനംതിട്ട, ആലപ്പുഴ ജില്ലകള് മറികടക്കും. കൊല്ലം ജില്ലയിലെ ഏനാത്ത് കൊട്ടാരക്കര, വാളകം, ആയൂര്, ചടയമംഗലം, നിലമേല്, തിരുവനന്തപുരം ജില്ലയിലെ കിളിമാനൂര്, കാരേറ്റ്, വെഞ്ഞാറമൂട്, വെമ്പായം, വട്ടപ്പാറ, മണ്ണന്തല, കേശവദാസപുരം, സെക്രട്ടറിയേറ്റ്, തമ്പാനൂര്, കിള്ളിപ്പാലം, വെള്ളായണി, ബാലരാമപുരം, നെയ്യാറ്റിന്കര, പാറശ്ശാല, കളിയിക്കാവിള എന്നീ പാതയോരങ്ങളിലാണ് ദീപം തെളിക്കുന്നത്.
