കണ്ണൂര്: കണ്ണൂര് ഗൈനെക്കോളജി സൊസൈറ്റിയുടെ നേതൃത്വത്തില് പടിയൂര് പഞ്ചായത്തിലെ ചടച്ചിക്കുണ്ടം, മണ്ണേരി ആദിവാസി കോളനികളില് സൗജന്യ മെഡിക്കല് ക്യാമ്പ് നടത്തി. സാധാരണയായി കണ്ടുവരുന്ന ഗര്ഭാശയ, അണ്ഡാശയ രോഗങ്ങള് കണ്ടെത്താനും ചികിത്സ നിര്ണയിക്കാനും ക്യാമ്പ് സഹായിച്ചു. രക്തക്കുറവ് തീവ്രമായ അളവില് കണ്ടുവരുന്ന ഈ കോളനിയിലെ അന്തേവാസികളായ നൂറു കണക്കിന് സ്ത്രീകള്ക്കും കുട്ടികള്ക്കും സൗജന്യമായി മരുന്നുകളും ക്യാമ്പ് വഴി വിതരണം ചെയ്തു. പടിയൂര് പഞ്ചായത്ത് പ്രസിഡന്റ് കെ.ശ്രീജ ക്യാമ്പ് ഉദ്ഘാടനം ചെയ്തു. ചടങ്ങില് മുന് ഐഎംഎ പ്രസിഡണ്ട് ഡോ.മുഹമ്മദ് അലി അധ്യക്ഷത വഹിച്ചു. കണ്ണൂര് ഗൈനെക്കോളജി സൊസൈറ്റി പ്രസിഡന്റ് ഡോ.മിനി ബാലകൃഷ്ണന്, സെക്രട്ടറി ഡോ.പി.ഷൈജസ്, ഊരത്തൂര് മെഡിക്കല് ഓഫീസര് ഡോ.അജിത് കുമാര് എന്നിവര് ചടങ്ങില് സംസാരിച്ചു. ഡോ.എം.വി.കുഞ്ഞിക്കണ്ണന്, ഡോ.ബാലകൃഷ്ണന് എന്നിവര് അടങ്ങിയ ടീം മെഡിക്കല് ക്യാമ്പിന് നേതൃത്വം നല്കി. ഏകദേശം 200 ഓളം ആളുകള് ഈ പരിപാടിയില് പങ്കെടുത്തു. രണ്ടു കോളനിയിലെയും 150 ഓളം വീടുകളിലേക്ക് അവശ്യസാധനങ്ങളുടെ ഫുഡ് കിറ്റുകളും സൗജന്യമായി വിതരണം ചെയ്തു.
കണ്ണൂര് ഗൈനക്കോളജിസ്റ്റുകളുടെ നേതൃത്വത്തില് സൗജന്യ മെഡിക്കല് ക്യാമ്പ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.