അമൃത്സര് : അമൃത്സര് വിമാനത്താവളത്തിനടുത്തായി അജ്ഞാതസംഘം ബൈക്കിലെത്തി നടത്തിയ ഗ്രനേഡ് ആക്രമണത്തില് 3 പേര് കൊല്ലപ്പെട്ടു 10 പേര്ക്ക് പരിക്കേറ്റു, അമൃത്സര് അദ്ലിവാല് ഗ്രാമത്തിലെ നിരന്കാരി ഭവനില് ഞായറാഴ്ച രാവിലെയോടെയാണ് ഗ്രനേഡ് ആക്രമണം ഉണ്ടായത്.
സ്ഫോടനം നടക്കുന്ന സമയത്ത് നിരന്കാരി ഭവനില് 500 പേരോളമുള്ള ആള്ക്കൂട്ടം സ്ഥലത്തുണ്ടായിരുന്നു. ബൈക്കിലെത്തിയ രണ്ടു പേര് ആള്ക്കൂട്ടത്തിനിടയിലേക്ക് വലിച്ചെറിഞ്ഞ സാധനങ്ങളാണ് പൊട്ടിത്തെറിച്ചതെന്ന് ദൃക് സാക്ഷികള് പോലീസിനെ അറിയിക്കുകയായിരുന്നു. ഇവര്ക്കുവേണ്ടി അന്വേഷണം നടത്തി വരികയാണ്.
പരിക്കേറ്റവരെ അമൃത്സര് ഗുരു നാനാക് ദേവ് ആശുപത്രിയില് പ്രവേശിപ്പിച്ചിരിക്കുകയാണെന്ന് ബോര്ഡര് റേഞ്ച് ഐജി സുരീന്ദര്പാല് സിങ് പര്മര് അറിയിച്ചു.
അതേസമയം സ്ഫോടനത്തിന്റെ പശ്ചാത്തലത്തില് ദല്ഹി ഉള്പ്പടെയുള്ള സുപ്രധാന സ്ഥലങ്ങളിലെ സുരക്ഷ ശക്തമാക്കി. സംസ്ഥാനത്ത് ഭീകരാക്രമണത്തിന് പദ്ധതി ഇടുന്നതായി ഇന്റലിജെന്സ് ഏജന്സി നേരത്തെ റിപ്പോര്ട്ടുകള് പുറത്തുവിട്ടിരുന്നു. ഇതിന്റെ അടിസ്ഥാനത്തിലാണ് തലസ്ഥാന നഗരിയില് സുരക്ഷ ശക്തമാക്കിയിരിക്കുന്നത്.
