ന്യൂദല്‍ഹി: മുന്‍ ഉപപ്രധാനമന്ത്രിയും ബിജെപിയുടെ സമുന്നത നേതാവുമായ ലാല്‍ കൃഷ്ണ അദ്വാനിക്ക് 91 വയസ്. 1927 നവംബര്‍ എട്ടിനാണ് അദ്ദേഹം കറാച്ചിയിലെ ഒരു സിന്ധി കുടുംബത്തില്‍ ജനിച്ചത്. അച്ഛന്‍ കൃഷ്ണ ചന്ദ് അദ്വാനി. അമ്മ ജ്ഞാനി ദേവി.
അടല്‍ ബിഹാരി വാജ്‌പേയി സര്‍ക്കാരില്‍ 2002 മുതല്‍ 2004 വരെ ഉപപ്രധാനമന്ത്രി. 98 മുതല്‍ 2004 വരെ കേന്ദ്ര ആഭ്യന്തര മന്ത്രിയായും പ്രവര്‍ത്തിച്ചു. ബിജെപി കെട്ടിപ്പടുക്കാന്‍ അടല്‍ജിക്കൊപ്പം യത്‌നിച്ച അദ്വാനി ആര്‍എസ്എസ്സിലൂടെയാണ് പൊതുരംഗത്തേക്ക് വന്നത്. 2015ല്‍ രാജ്യം പദ്മവിഭൂഷണ്‍ നല്‍കി ആദരിച്ചിട്ടുണ്ട്. അയോധ്യ പ്രശ്‌നം വലിയ ജനകീയ വിഷയമാക്കിക്കൊണ്ടുവരുന്നതില്‍ അദ്ദേഹം വഹിച്ച പങ്ക് നിസ്തുലമാണ്.
91-ാം ജന്മദിനത്തില്‍ പ്രധാനമന്ത്രി നരേന്ദ്ര മോദി, ബിജെപി അധ്യക്ഷന്‍ അമിത് ഷാ, കേന്ദ്രമന്ത്രിമാര്‍ തുടങ്ങിയവര്‍ അദ്ദേഹത്തിന് പിറന്നാള്‍ ആശംസകള്‍ നേര്‍ന്നു. മോദി വസതിയില്‍ എത്തി അദ്വാനിയെ വണങ്ങി, ആശംസകള്‍ അര്‍പ്പിച്ചു.
