കോഴിക്കോട്: ബന്ധുനിയമന വിവാദത്തില്പ്പെട്ട മന്ത്രി കെ.ടി ജലീല് രാജി വെക്കണമെന്ന് ആവശ്യപ്പെട്ട് യൂത്ത് ലീഗ് നടത്തിയ പ്രതിഷേധ മാര്ച്ചില് സംഘര്ഷം.പോലീസ് ബാരിക്കേഡ് ഉപയോഗിച്ച് മാര്ച്ച് തടഞ്ഞു. ബാരിക്കേഡ് തള്ളിമാറ്റി മുന്നോട്ടുപോകാന് ശ്രമിച്ച പ്രവര്ത്തകര്ക്കെതിരേ പൊലീസ് ജലപീരങ്കി പ്രയോഗിച്ചു. പിന്നീട് പ്രവര്ത്തകര് റോഡില് കുത്തിയിരുന്നു പ്രതിഷേധിച്ചു
പ്രവര്ത്തകര് പിരിഞ്ഞുപോകാന് തയ്യാറാകാതെ പ്രതിഷേധം തുടരുകയാണ് . പ്രതിപക്ഷ ഉപനേതാവ് ഡോ. എം കെ മുനീറാണ് പ്രതിഷേധ മാര്ച്ച് ഉദ്ഘാടനം ചെയ്തത്. മുസ്ലിം യൂത്ത് ലീഗ് സംസ്ഥാന ജനറല് സെക്രട്ടറി പി.കെ.ഫിറോസ്, സീനിയര് വൈസ് പ്രസിഡന്റ് നജീബ് കാന്തപുരം തുടങ്ങിയവരാണ് മാര്ച്ചിന് നേതൃത്വം നല്കിയത്.
മന്ത്രി കെ.ടി ജലീല് ചട്ടം മറികടന്ന് ബന്ധുവിന് മൈനോറിറ്റി ഫിനാന്സ് കോര്പ്പറേഷനില് ജനറല് മാനേജറായി നിയമനം നല്കിയെന്ന് യൂത്ത് ലീഗ് വാര്ത്താ സമ്മേളനത്തില് നേരത്തെ ആരോപിച്ചിരുന്നു. യോഗ്യതയുള്ള ആളെ കിട്ടാത്തത് കൊണ്ടാണ് ഡെപ്യൂട്ടേഷനില് ബന്ധുവിനെ നിയമിച്ചതെന്നും ഇങ്ങനെ നിയമിക്കാന് സര്ക്കാറിന് അധികാരമുണ്ടെന്നും ആരോപണത്തിന് മറുപടിയായി മന്ത്രി വ്യക്തമാക്കിയിരുന്നു.
പ്രതികരിക്കാൻ ഇവിടെ എഴുതുക: