തിരുവനന്തപുരം: ക്രിക്കറ്റ് പരിശീലനത്തിന് എത്തിയ വിദ്യാര്ത്ഥിനിയെ പീഡിപ്പിച്ച കേസില് കോച്ച് എം മനു (40) നെ മൂന്നാമത്തെ കേസിലും ശിക്ഷിച്ചു.ഇതോടെ വള്ളക്കടവ് ശ്രീവരാഹം സ്വദേശിയായ പ്രതി ഇനി 47 വര്ഷം ജയിലില് കഴിയേണ്ടിവരും. ഒപ്പം എഴുപത്തിഒമ്പതിനായിരം രൂപ പിഴയും ചുമത്തി.തിരുവനന്തപുരം അതിവേഗ പ്രത്യേക കോടതിയാണ് ശിക്ഷ വിധിച്ചത്.നാലാമത്തെ കേസിലും പ്രതി കുറ്റക്കാരനാണെന്ന് കോടതി കണ്ടത്തി. ആദ്യ രണ്ടു കേസിലെയും ശിക്ഷാ കാലാവധിക്ക് ശേഷമേ ഈ കേസിലെ ശിക്ഷ ആരംഭിക്കുകയുള്ളൂ എന്നതിനാല് പ്രതി തുടര്ച്ചയായി ജയിലില് കഴിയേണ്ടിവരും.
2018ല് അഞ്ചാം ക്ലാസില് പഠിക്കുമ്പോഴാണ് കുട്ടി തിരുവനന്തപുരത്തെ പ്രമുഖ ക്രിക്കറ്റ് പരിശീലന സ്ഥാപനത്തില് പരിശീലനത്തിനായി എത്തുന്നത്. കുട്ടിയെ പരിശീലനത്തിന് എന്ന് പറഞ്ഞ് അവിടുത്തെ നെറ്റ്സിലും ജിമ്മിലേക്കും ശുചിമുറികളിലേക്കും മറ്റും കൊണ്ടുപോയാണ് കോച്ച് ലൈംഗികമായി പീഡിപ്പിച്ചത്. കൂടാതെ കുട്ടിയുടെ നഗ്നചിത്രവും പകര്ത്തി. കുട്ടിയുടെ വീട്ടിലുള്ള നെറ്റ്സില് വച്ചും പീഡനം നടന്നു.
പീഡനത്തില് മനംനൊന്ത് 2021ല് കുട്ടി മറ്റൊരു സ്ഥലത്തേയ്ക്ക് പരിശീലനത്തിന് പോയി. 2024 മാര്ച്ച് 28ന് തിരുവനന്തപുരത്ത് നടന്ന പെണ്കുട്ടികളുടെ ക്രിക്കറ്റ് ടൂര്ണമെന്റില് പങ്കെടുക്കാന് എത്തിയ അതിജീവിത വര്ഷങ്ങള്ക്ക് ശേഷം പ്രതിയെ കണ്ടതിനെ തുടര്ന്ന് ഭയന്ന് ബഹളം വച്ചു. ഇത് കണ്ട് ഒപ്പമുള്ളവര് അന്വേഷിച്ചപ്പോഴാണ് പീഡന വിവരം പുറത്തറിഞ്ഞത്.
കുട്ടിയുടെ പരാതി പുറത്തറിഞ്ഞതോടെ പീഡനത്തിന് ഇരയായ മറ്റ് കുട്ടികളും പരാതിയുമായെത്തി.പിന്നാലെ പ്രതിക്കെതിരെ ആറ് കേസുകള് രജിസ്റ്റര് ചെയ്തതില് നാല് കേസുകളുടെ വിചാരണ പൂര്ത്തിയാവുകയും മൂന്നു കേസുകളില് ശിക്ഷ വിധിക്കുകയും ചെയ്തു.കുറ്റക്കാരനായി കണ്ടെത്തിയ നാലാമത്തെ കേസില് തിങ്കളാഴ്ച വിധി പറയും.
