കോഴിക്കോട്: പോലീസിനെ ദുര്വിനിയോഗം ചെയ്ത് ക്ഷേത്രവിശ്വാസികളെ കീഴടക്കി ഭൗതികവാദം അടിച്ചേല്പ്പിക്കാനാണ് മുഖ്യമന്ത്രി പിണറായി വിജയന് ശ്രമിക്കുന്നതെന്ന് കേരള ക്ഷേത്രസംരക്ഷണ സമിതി.
ഹിന്ദുസമൂഹത്തിനുള്ളില് വര്ധിക്കുന്ന മതബോധവും ക്ഷേത്രവിശ്വാസവും ഹിന്ദുഭൂരിപക്ഷമുള്ള പാര്ട്ടിയുടെ തകര്ച്ചയ്ക്ക് കാരണമാകുമെന്ന തിരിച്ചറിവാണ് ഇത്തരം നടപടികളിലേക്ക് സിപിഎമ്മിനെ കൊണ്ടെത്തിച്ചത്. ക്ഷേത്രങ്ങള് പിടിച്ചടക്കി, ആചാരങ്ങള്ക്ക് തുരങ്കംവച്ച്, തന്ത്രിമാരെയും ആചാര്യന്മാരെയും അപഹസിച്ച് ഹൈന്ദവ വിശ്വാസപ്രമാണങ്ങളെ തകര്ക്കാന് ശ്രമിക്കുന്ന ഇടതു സര്ക്കാര് അതുണ്ടാക്കുന്ന പ്രത്യാഘാതങ്ങള് തിരിച്ചറിയണം.
പാര്ട്ടി പ്രവര്ത്തകര് വിശ്വാസികളാകാന് പാടില്ലെന്ന് തിട്ടൂരമിറക്കിയിട്ടും പ്രവര്ത്തകരിലും അവരുടെ കുടുംബങ്ങളിലും പരിവര്ത്തനമുണ്ടാക്കാന് കഴിയാത്ത സിപിഎം വിശ്വാസികള്ക്കൊപ്പമെന്ന് പറയുമ്പോള് സ്വയം അപഹാസ്യരാവുന്നു. പ്രക്ഷോഭത്തിനിറങ്ങുന്നവരെ ജയിലിലടയ്ക്കാമെന്ന വ്യാമോഹമുണ്ടെങ്കില് കേരളത്തിലെ ജയിലുകള് മതിയാവുകയില്ലെന്ന് മുഖ്യമന്ത്രി ഓര്മിക്കണമെന്നും സമിതി സംസ്ഥാന സെക്രട്ടറി കെ. നാരായണന്കുട്ടി പറഞ്ഞു.
