ഇസ്ലാമാബാദ്: പാക്കിസ്ഥാനിലെ കിഴക്കന് പഞ്ചാബ് പ്രവിശ്യയില് ബസുകള് കൂട്ടിയിടിച്ച് 19 പേര് മരിച്ചു. 40 പേര്ക്ക് പരിക്കേറ്റു. ദേരാ ഗാസി ഖാനിലെ ഖാസി ഗാട്ടിന് സമീപമാണ് സംഭവം. അപകടത്തില് പരിക്കേറ്റ പലരുടെയും നില ഗുരുതരമാണ്.
അമിത വേഗത്തില് എതിരെ വന്ന മറ്റൊരു ബസില് ഇടിച്ചാണ് അപകടം. ഇടിയുടെ ആഘാതത്തില് ഒരു ബസ് പൂര്ണമായും തകര്ന്നു. ഡ്രൈവറുടെ അശ്രദ്ധ മൂലമാണ് അപകടമുണ്ടായതെന്ന് പോലീസ് പറഞ്ഞു. സംഭവത്തില് ബസ് ഡ്രൈവര്ക്കെതിരെ പോലീസ് കേസെടുത്തു.
പാക്കിസ്ഥാനില് വര്ഷംതോറും ശരാശരി 4,500 ആളുകള് റോഡപകടങ്ങളില് മരിക്കുന്നതായാണ് പാക് ബ്യൂറോ ഓഫ് സ്റ്റാറ്റിസ്റ്റിക്സിന്റെ വിവരങ്ങള്.
