കോട്ടയം: കന്യാസ്ത്രീയെ ബലാത്സംഗം ചെയ്ത കേസില് അറസ്റ്റിലായി റിമാന്ഡില് കഴിയുന്ന ബിഷപ്പ് ഫ്രാങ്കോ മുളയ്ക്കലിന്റെ റിമാന്ഡ് കാലാവധി ഇന്ന് അവസാനിക്കും. ഫ്രാങ്കോയെ ഇന്ന് പതിനൊന്ന് മണിയോടെ പാലാ മജിസ്ട്രേറ്റ് കോടതിയില് ഹജരാക്കും.
നേരത്തെ റിമാന്ഡില് കഴിഞ്ഞിരുന്ന ബിഷപ്പിനെ മത-രാഷ്ട്രീയ നേതാക്കളുള്പ്പെടെ നിരവധിപേര് ജയിലിലെത്തി സന്ദര്ശിച്ചിരുന്നു.അതേസമയം ബിഷപ്പിനെതിരെ പരാതിക്കാരിയായ കന്യാസ്ത്രീക്കൊപ്പമുള്ള സഹപ്രവര്ത്തകരുടെയും സാക്ഷികളുടേയും രഹസ്യമൊഴി കഴിഞ്ഞ ദിവസങ്ങളിലായി രേഖപ്പെടുത്തിയിരുന്നു.
കന്യാസ്ത്രീക്ക് നീതി ലഭിക്കണമെന്ന് ആവശ്യപ്പെട്ട് തെരുവില് സമരത്തിനെത്തിയവര് ഉള്പ്പെടെയുള്ളവരുടെ മൊഴിയാണ് വിവിധ കോടതികളിലായി രേഖപ്പെടുത്തിയത്.
സാക്ഷികള് കൂറുമാറുന്ന സാഹചര്യം ഒഴിവാക്കുന്നതിനാണ് രഹസ്യമൊഴി രേഖപ്പെടുത്താന് പൊലീസ് അപേക്ഷ നല്കിയത്. കേസിലെ സാക്ഷികളില് ഒരാളായ ഫാദര് നിക്കോളാസ് മണിപ്പറമ്ബില് നേരത്തെ മൊഴിമാറ്റിയിരുന്നു. ഇതോടെയാണ് രഹസ്യമൊഴിക്കായുള്ള നീക്കം അന്വേഷണ സംഘം വേഗത്തിലാക്കിയത്.
