കണ്ണൂര്: മാധ്യമ പ്രവര്ത്തകരുടെ സേവന വേതന വ്യവസ്ഥ കാലോചിതമായി പരിഷ്കരിക്കുന്നതിന് പുതിയ വേജ് ബോര്ഡ് രൂപീകരിക്കണമെന്ന് കേരള പത്രപ്രവര്ത്തക യൂണിയന് ജില്ല ജനറല് ബോഡിയോഗം ആവശ്യപ്പെട്ടു. ദൃശ്യമാധ്യമ പ്രവര്ത്തകരെയും വേജ്ബോര്ഡിന്റെ പരിധിയില് ഉള്പ്പെടുത്താനും കേന്ദ്രസര്ക്കാര് അടിയന്തിര നടപടി സ്വീകരിക്കണമെന്നും യോഗം അഭ്യര്ത്ഥിച്ചു..
കേരള പത്രപ്രവര്ത്തക യൂണിയന് സംസ്ഥാന പ്രസിഡണ്ട് കമാല് വരദൂര് യോഗം ഉദ്ഘാടനം ചെയ്തു. കേരള പത്രപ്രവര്ത്തക യൂണിയന് സംസ്ഥാന ജനറല് സെക്രട്ടറി സി.നാരായണന് മുഖ്യപ്രഭാഷണം നടത്തി. പ്രസ്സ് ക്ലബ് പ്രസിഡണ്ട് എ.കെ.ഹാരിസ് അധ്യക്ഷത വഹിച്ചു. പ്രസ്സ് ക്ലബ് സെക്രട്ടറി പ്രശാന്ത് പുത്തലത്ത് പ്രവര്ത്തന റിപ്പോര്ട്ടും ട്രഷറര് സിജി ഉലഹന്നാന് വരവ് ചെലവ് കണക്കും അവതരിപ്പിച്ചു.
കേരള പത്രപ്രവര്ത്തക യൂണിയന് സംസ്ഥാന കമ്മിറ്റിയംഗം എന്.സി.പി.രംജിത് സംസാരിച്ചു. പ്രസ് ക്ലബ് ജോയന്റ് സെക്രട്ടറി പ്രവീണ്ദാസ് അനുശോചന പ്രമേയം അവതരിപ്പിച്ചു. പ്രസ്സ് ക്ലബ് വൈസ് പ്രസിഡന്റ് സുപ്രിയ സുധാകര് പ്രമേയം അവതരിപ്പിച്ചു. പ്രസ്സ് ക്ലബ് വൈസ്പ്രസിഡന്റ് കെ.ശശി നന്ദിയും പറഞ്ഞു.
