പാലക്കാട്: സിപിഎമ്മിന്റെ താല്പര്യം സംരക്ഷിക്കാന് നിലനിര്ത്തിയ അകത്തേത്തറ അങ്കവാല് പറമ്പ് ഹെല്ത്ത് സെന്ററിലെ ദുരിതാശ്വാസക്യാമ്പ് പോലീസിന്റെ സഹായത്തോടെ അടച്ചുപൂട്ടി. ആകെയുള്ള 15 പേരെ മറ്റൊരു ക്യാമ്പിലേക്ക് മാറ്റി.
ഒരാഴ്ച മുമ്പാണ് അങ്കവാല്പ്പറമ്പില് ദുരിതാശ്വാസ ക്യാമ്പ് തുടങ്ങിയത്. 15 പേര് മാത്രമുള്ള ക്യാമ്പില് 165 പേരുണ്ടെന്നായിരുന്നു സിപിഎം പ്രവര്ത്തകരുടെ പ്രചാരണം. മലമ്പുഴ എംഎല്എ കൂടിയായ വി.എസ്.അച്യുതാനന്ദന്റെ പിഎയുടെ നിര്ബന്ധപ്രകാരമാണ് അധികൃതര് ഇതിന് സമ്മതിച്ചത്.
ദുരിതാശ്വാസ ക്യാമ്പ് പാര്ട്ടി പ്രവര്ത്തകരുടെ കേന്ദ്രമായതോടെ റവന്യുവകുപ്പിനു മുന്നില് പരാതിയെത്തി. അടച്ചുപൂട്ടാനെത്തിയ അധികൃതരെ ഭീഷണിപ്പെടുത്തി തിരിച്ചയച്ചുവെന്നും പറയുന്നു. ഇതിനുശേഷമാണ് പോലീസിന്റെ സഹായത്തോടെയെത്തിയ അധികൃതര് ക്യാമ്പ് അടച്ചുപൂട്ടിയത്.
അകത്തേത്തറ ആണ്ടിമഠത്തെ കല്ല്യാണമണ്ഡപത്തില് നടത്തിയ ക്യാമ്പിലും സിപിഎം ഡിവൈഎഫ്ഐ പ്രവര്ത്തകര് അക്രമം കാണിച്ചിരുന്നു. സേവാഭാരതി പ്രവര്ത്തകര് മുഴുവന് സമയം വോളന്റിയര്മാരായ പ്രവര്ത്തിച്ചതാണ് ഇവരെ പ്രകോപിപ്പിച്ചത്. പോലീസും കളക്ടറും ഇടപെട്ടാണ് പ്രശ്നം പരിഹരിച്ചത്.
