കൊച്ചി: റിപ്പബ്ലിക് ടിവി ചാനല് എഡിറ്റര് അര്ണബ് ഗോസ്വാമി മലയാളികളെ ആക്ഷേപിച്ചെന്ന് വ്യാജപ്രചാരണം. മലയാളി കരുത്തനും മഹാനുമാണെന്ന് പ്രശംസിക്കുകയായിരുന്നു അര്ണബ്.
കേരളത്തിലെ വെള്ളപ്പൊക്ക ദുരിതാശ്വാസമായിരുന്നു ചാനലിലെ ചര്ച്ചാ വിഷയം. അതില് യുഎഇ സഹായ വിവാദമുള്പ്പെടെ പരാമര്ശ വിഷയമായി. അതിനിടെ നടത്തിയ പരാമര്ശങ്ങളാണ് തെറ്റായി വ്യാഖ്യാനിച്ചത്. അര്ണബ് പറഞ്ഞത് ഇങ്ങനെ: ”എന്റെ സംസ്ഥാനമായ അസമിലും വെള്ളപ്പൊക്കമാണ്. അതുകൊണ്ടെനിക്ക് കേരളത്തോട് അനുതാപമുണ്ട്.
കേരളത്തിലുള്ളവര് മനശ്ശാസ്ത്രപരമായി അതിവേഗം പൂര്വസ്ഥിതിയിലേക്ക് മടങ്ങുന്നവരാണ്, അവര് മഹാന്മാരാണ് ശക്തരാണ് എന്ന് കാണിച്ചു തന്നിട്ടുള്ളവരാണ്.
ഈ സമയം എനിക്കു പറയാനുള്ളത്- ചിലര് വ്യാജവാര്ത്തയുണ്ടാക്കുകയാണ്, ദുരിതബാധിതരെ ദുര്വിനിയേഗിക്കാന്. ദുരിത വേളയില് ജനങ്ങളെ അവിഹിതമായി സ്വാധീനിക്കുന്നത് വിലകുറഞ്ഞപണിയാണ്… കേരള ജനത ഇത് മറക്കുമെന്ന് തോന്നുന്നുണ്ടോ?”
”കടുത്ത ഇടതരുടെയും മാവോയിസ്റ്റുകളുടെയും മതഭ്രാന്തരുടെയും മുമ്പുകണ്ടിട്ടില്ലാത്ത ഈ ഗ്രൂപ്പ്, നാണമില്ലാത്ത കള്ളം പ്രചരിപ്പിക്കുകയാണ്. എനിക്കറിയില്ല എന്തിനാണവര് ഇത് ചെയ്യുന്നതെന്ന്. സ്വന്തം രാജ്യത്തെ കുറ്റപ്പെടുത്തുന്നതിന് അവര്ക്ക് പണം കിട്ടുന്നുണ്ടോ. ആരാണവര്ക്ക് സഹായം നല്കുന്നത്. ഇന്ത്യയെ മോശപ്പെടുത്താനുള്ള ഗൂഢാലോചനയാണിത്.”
ഇതാണ് ചിലര് തെറ്റായി വ്യാഖ്യാനിച്ചത്. അര്ണബ് മലയാളികളെ മുഴുവന് ആക്ഷേപിച്ചുവെന്നും അപമാനിച്ചുവെന്നും ആക്രോശിച്ച് പ്രതികരിക്കുന്നവരില് ബുദ്ധിജീവികളെന്നു വിശേഷിപ്പിക്കപ്പെടുന്നവരും മാധ്യമപ്രവര്ത്തകരും രാഷ്ട്രീയക്കാരുമുണ്ട്.
