ആലപ്പുഴ: പ്രളയക്കെടുതിയുടെ പേരില് നെഹ്റു ട്രോഫി വള്ളംകളി ഒഴിവാക്കില്ലെന്ന് മന്ത്രി തോമസ് ഐസക്ക്. പ്രളയബാധിതരുടെ പുനരധിവാസം പൂര്ത്തിയായശേഷം വള്ളംകളി സംഘടിപ്പിക്കുമെന്ന് മന്ത്രി അറിയിച്ചു.
പ്രളയത്തെ തുടര്ന്ന് നെഹ്റു ട്രോഫി വള്ളംകളിയും ഇതിനോട് അനുബന്ധിച്ച് നടത്താനിരുന്ന സാംസ്കാരിക ഘോഷയാത്രയും മറ്റു പരിപാടികളും റദ്ദാക്കിയിരുന്നു. ഈ മാസം എട്ട്, ഒന്പത്, 10 തീയതികളിലായിരുന്നു സാംസ്കാരിക ഘോഷയാത്രയും പരിപാടികളും നടത്താന് തീരുമാനിച്ചിരുന്നത്.
ആലപ്പുഴ പുന്നമടക്കായലില് ഓഗസ്റ്റിലെ രണ്ടാമത്തെ ശനിയാഴ്ചയാണ് ജലോത്സവം നടത്തുന്നത്.
