പയ്യാവൂര്: കേരളത്തിന്റെ സമീപകാല ചരിത്രത്തില് ഉണ്ടാകാത്ത വിധം ഭീകരമായ പ്രളയം അപരിഹാര്യമായ ദുരന്തം വിതച്ച വയനാടിന്റെ ഭൂമിയില് പയ്യാവൂര് സേക്രഡ് ഹാര്ട്ട് സ്കൂളിലെ സ്റ്റുഡന്റ് പോലീസ് കേഡറ്റുകളുടെ സാന്ത്വനസ്പര്ശം. ദുരിതത്തില് പകച്ചു നിന്ന കൂട്ടുകാര്ക്ക് നോട്ട്ബുക്ക്, പേന, പെന്സില്, സ്കെയില്, ഇറേസര്, ഷാര്പ്നര്, ബോക്സ്, ക്രയോണ്സ്, നെയിംസ്ലിപ്പ് എന്നീ പഠനോപകരണങ്ങള് അടങ്ങിയ 260 കിറ്റുകള് നല്കി ഈ വര്ഷത്തെ ഓണാവധിക്കാലം അവിസ്മരണീയമാക്കി തീര്ത്തു. കൂടാതെ കുടകള്, ബാഗുകള്, വസ്ത്രങ്ങള്, ടൂത്ത്ബ്രഷ്, പേസ്റ്റ്, സോപ്പ് എന്നിങ്ങനെ നിത്യോപയോഗ വസ്തുക്കളും നല്കി. പഠനോപകരണങ്ങള് അടങ്ങിയ വാഹനം കണ്ടകശ്ശേരിയില് പയ്യാവൂര് പോലീസ് സബ്ബ് ഇന്സ്പെക്ടര് ജോണ്സണ് ടി.സഖറിയാസ് ഫഌഗ് ഓഫ് ചെയ്തു. മാനന്തവാടി ഡിഎഫ്ഒ ഓഫിസില് സീനിയര് സൂപ്രണ്ട് കെ.ജെ.കുര്യന്റെ നേതൃത്വത്തില് ജീവനക്കാരും സന്നദ്ധ സേവകരും ചേര്ന്ന് ഇവ ഏറ്റുവാങ്ങി. സ്കൂളിലെ കെ.എസ്.ബിനോയ്, അധ്യാപകരായ എം.ടി.ഷൈബി, സി.കെ.തങ്കച്ചന്, ക്രിസ്റ്റഫര് ജോസഫ്, ലിബിന് കെ.കുര്യന് എന്നിവര് കുട്ടികളെ അനുഗമിച്ചു.
പ്രളയബാധിതര്ക്ക് സാന്ത്വനമായി സ്റ്റുഡന്റ് പോലീസ് കേഡറ്റ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.