കണ്ണൂര്: മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്കുന്നതിനു വേണ്ടി 30 ന് കണ്ണൂര് ജില്ലാ ബസ്സ് ഓപ്പറേറ്റേഴ്സ് അസ്സേസ്സിയേഷന് കോ-ഓഡിനേഷന് കമ്മറ്റിയിലെ മുഴുവന് മെമ്പര്മാരുടെയും ബസ്സുകള് സര്വ്വീസ് നടത്താന് തീരുമാനിച്ചതായി ഭാരവാഹികള് വാര്ത്താസമ്മേളനത്തില് അറിയിച്ചു. ജില്ലയില് ആയിരത്തിനാനൂറോളം ബസ്സുകളാണ് ഓടുന്നത്. ദുരന്ത നിവാരണയജ്ഞത്തില് പങ്കാളികളാകാന് കണ്ണൂരില് നിന്ന് വയനാട്ടിലേക്ക് പുറപ്പെട്ട ടെറിട്ടോറിയല് ആര്മിയില്പ്പെട്ടവരെ വയനാട്ടിലെത്തിക്കാന് കോ-ഓഡിനേഷന് കമ്മറ്റി ഒരു ബസ്സ് വിട്ട് നല്കിയിരുന്നു. മൂന്ന് ദിവസമാണ് ബസ്സ് ഉപയോഗിച്ചത്. ജില്ലാ ഭരണകൂടം ആവശ്യപ്പെടുന്ന സാഹചര്യത്തില് സഹായഹസ്തവുമായി സദാസന്നദ്ധമായിരുന്നു കോ-ഓഡിനേഷന് കമ്മറ്റി. 23 ന് ഉച്ചയ്ക്ക് 2 മണിക്ക് കോ-ഓഡിനേഷന് കമ്മറ്റി ജനറല് ബോഡിയോഗം കണ്ണൂര് ജില്ലാ ബസ്സുടമ ഹാളില് ചേരുമെന്നും ഭാരവാഹികള് അറിയിച്ചു. ചെയര്മാന് എം.വി.വത്സലന്, കെ.രാജ്കുമാര്, കെ.വിജയന്, ടി.എം.സുധാകരന്, പി.പി.മോഹനന് എന്നിവര് വാര്ത്താസമ്മേളനത്തില് പങ്കെടുത്തു.
ദുരിതാശ്വാസ നിധി സ്വരൂപിക്കാന് 30 ന് സ്വകാര്യ ബസ്സുകള് സര്വ്വീസ് നടത്തും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.