ജനങ്ങളുടെ ആശയങ്ങളെ ഉൾപ്പെടുത്തി സ്വാതന്ത്ര്യദിന പ്രസംഗം; ജനസമ്മതനെന്ന് വീണ്ടും തെളിയിച്ച് മോദി

ന്യൂദൽഹി: പ്രധാനമന്ത്രി നരേന്ദ്രമോദി ജനങ്ങളുമായി അടുത്ത ബന്ധം പുലർത്തുന്ന രാഷ്‌ട്ര നേതാവാണെന്ന് ഏവർക്കുമറിയാവുന്ന കാര്യമാണ്. ഈ വരുന്ന സ്വാതന്ത്ര്യദിന പ്രസംഗത്തിൽ പൊതുജനങ്ങളുടെ ആശയങ്ങളെയും അഭിപ്രായങ്ങളും ഉൾപ്പെടുത്താനൊരുങ്ങുകയാണ് അദ്ദേഹമിപ്പോൾ. ജനങ്ങൾക്ക് തങ്ങളുടെ ആശയങ്ങളും അഭിപ്രായങ്ങളും ‘മോദി ആപ്പ്’ അല്ലെങ്കിൽ ‘മൈ ഗവണ്മെൻ്റ് ആപ്പിൽ’ പങ്കുവയ്‌ക്കാമെന്ന് അദ്ദേഹം ട്വിറ്ററിൽ കുറിച്ചു. 

‘ആഗസ്റ്റ് 15ലെ എന്റെ പ്രസംഗത്തിൽ എന്തെല്ലാം ആശയങ്ങൾ വേണമെന്ന് നിങ്ങൾ ആഗ്രഹിക്കുന്നു. ആ  ആശയങ്ങളും ചിന്തകളുമെല്ലാം പ്രത്യേകമായി തയാറാക്കിയ മോദി ആപ്പ് വഴിയോ ‘മൈ ഗവണ്മെൻ്റ് ആപ്പ്’ വഴിയോ അയക്കാം,  നല്ലൊരു നാളെയ്‌ക്കായി നിങ്ങളുടെ വിലയേറിയ ചിന്തകളെ കാര്യമായി പരിഗണിക്കുന്നു.- മോദി ട്വിറ്ററിൽ കുറിച്ചു.

പ്രധാനമന്ത്രിയുടെ ഈ ട്വീറ്റിനു സന്ദേശത്തിനു ശേഷം നിരവധി ആശയങ്ങളാണ് ട്വിറ്ററിൽ നിറഞ്ഞത്. അദ്ദേഹത്തിന്റെ അഞ്ചാമത്തെ സ്വാതന്ത്ര്യദിന പ്രസംഗമാണ് ചുവപ്പ് കോട്ടയിൽ ആഗസ്റ്റ് 15ന് നടക്കാൻ പോകുന്നത്. 

What are your thoughts and ideas for my 15th August speech?

Share them with me on a specially created forum on the Narendra Modi App.

You can also share them on MyGov. https://t.co/BJMCEeisne

I look forward to receiving your fruitful inputs in the coming days.

— Narendra Modi (@narendramodi) July 31, 2018