ന്യൂദല്ഹി: വിവാഹം കഴിച്ച് വിദേശത്തേക്കു മുങ്ങുന്ന ഇന്ത്യക്കാരെ പിടികൂടാന് വിദേശ മന്ത്രാലയത്തിന്റെ സംവിധാനം വരുന്നു. ഇതിന് പ്രത്യേകം പോര്ട്ടല് തുടങ്ങും. ഇ മെയില് വഴി സമന്സും വാറണ്ടും അയക്കും. മറുപടിയില്ലെങ്കില് പിടികിട്ടാപ്പുള്ളിയായി പ്രഖ്യാപിക്കും.
എന്ആര്ഐ വിവാഹവും സ്ത്രീ-ശിശു അനധികൃത കടത്തും സംബന്ധിച്ച യോഗത്തില് സംസാരിക്കവേ വിദേശകാര്യമന്ത്രി സുഷമാ സ്വരാജാണ് അറിയിച്ചത്. പഞ്ചാബില് മാത്രം 15,000 ഭാര്യമാര് വിദേശത്തുപോയി തിരിച്ചുവരാത്ത ഭര്ത്താവിനെ കാത്തുകഴിയുന്നതായി മന്ത്രി പറഞ്ഞു.
വിദേശത്ത് മികച്ച ജോലി വാഗ്ദാനം ചെയ്ത് ആളുകളെ അനധികൃതമായി കയറ്റി അയയ്ക്കുന്ന ഏജന്സികളെ പിടികൂടാന് കര്ശന നടപടി സ്വീകരിക്കുമെന്ന് മന്ത്രിസുഷമ പറഞ്ഞു.ഇതിന് ജനങ്ങള്ക്കിടയില് പ്രചാരണം നടത്തണം.
ചട്ടങ്ങളും നിയമവും എലംഘിക്കുന്ന ഇത്തരം ഏജന്സികളെ കണ്ടെത്താന് സംസ്ഥാനങ്ങള് തയാറാകണം. ഏജന്സികള് അപകടത്തിലാക്കിയ ഒട്ടേറെ സ്ത്രീകളേയും കുട്ടികളേയും വിദേശകാര്യ മന്ത്രാലയം രക്ഷപ്പെടുത്തിയതായി സുഷമാ സ്വരാജ് പറഞ്ഞു.വിവാഹിതരായി കബളിപ്പിക്കപ്പെട്ടവരെ സഹായിക്കാന് ആവുന്നതെല്ലാം ചെയ്യുന്നതായി മന്ത്രി വിശദീകരിച്ചു.
