തിരുവനന്തപുരം: താര സംഘടനയായ അമ്മയെ കൂടുതല് പ്രതിരോധത്തിലാക്കി നടന് ഷമ്മി തിലകന്റെ കത്ത്. തിലകനെ പുറത്താക്കിയ നടപടി പിന്വലിച്ച് അമ്മ മാപ്പു പറയണമെന്ന് ഷമ്മി തിലകന് ആവശ്യപ്പെട്ടു. അമ്മ ജനറല് സെക്രട്ടറി ഇടവേള ബാബുവിനെഴുതിയ കത്തിലാണ് അദ്ദേഹം ഈ ആവശ്യമുന്നയിച്ചത്.
മരണാനന്തരമായെങ്കിലും തിലകനെതിരെയുള്ള നടപടി പിന്വലിക്കണം. മോഹന്ലാലില് നിന്ന് താന് അത് പ്രതീക്ഷിക്കുന്നു. ജനറല്ബോഡിക്കുള്ള അറിയിപ്പില് അന്തരിച്ച നടന്മാരുടെ പട്ടിക നല്കാറുണ്ട്. എന്നാല് അച്ഛന് മരിച്ച കാലഘട്ടത്തില് തന്നെ മരിച്ച മറ്റെല്ലാവരുടേയും പേരുകള് നല്കിയപ്പോഴും ഈ പട്ടികയില് തിലകന്റെ പേര് നല്കാത്തതില് വിഷമമുണ്ടെന്നും അതിനാല് താന് ജനറല്ബോഡിയില് പങ്കെടുക്കാറില്ലെന്നും ഷമ്മി തിലകന് കത്തില് വ്യക്തമാക്കി.
ദിലീപിനെ തിരിച്ചെടുത്ത വിഷയത്തില് അമ്മയില് നിന്ന് രാജിവെച്ച നടിമാര്ക്കൊപ്പമാണ് താനെന്നും അദ്ദേഹം പറഞ്ഞു. നേരത്തെ തിലകന് മോഹന്ലാലിനെഴുതിയ കത്ത് തിലകന്റെ മകള് സോണിയ തിലകന് പുറത്തു വിട്ടിരുന്നു.
