കാഞ്ഞങ്ങാട്: മുഖ്യമന്ത്രി പിണറായി വിജയന് പങ്കെടുത്ത ചര്ച്ചയില്നിന്നു മാധ്യമ പ്രവര്ത്തകരെ ഇറക്കിവിട്ടു. കാഞ്ഞങ്ങാട്ട് സംസ്ഥാന സര്ക്കാരിന്റെ രണ്ടാം വാര്ഷികാഘോഷങ്ങളുടെ ഉദ്ഘാടനത്തോട് അനുബന്ധിച്ച് ലയന്സ് ക്ലബ് ഹാളില് നടന്ന പരിപാടിക്കിടെയാണ് സംഭവം. മുഖ്യമന്ത്രിയുമായുള്ള മുഖാമുഖമായിരുന്നു പ്രധാന പരിപാടി. ജില്ലയിലെ വിവിധ മേഖലകളിലെ പ്രമുഖരാണു ചര്ച്ചയില് പങ്കെടുത്തത്
മന്ത്രി ഇ.ചന്ദ്രശേഖരന്റെ അധ്യക്ഷ പ്രസംഗവും മുഖ്യമന്ത്രിയുടെ ആമുഖ പ്രസംഗവും കഴിഞ്ഞ ശേഷമാണ് മാധ്യമ പ്രവര്ത്തകരെ പുറത്താക്കണം എന്ന മുഖ്യമന്ത്രിയുടെ നിര്ദ്ദേശം മന്ത്രി ഇ.ചന്ദ്രശേഖരന് മൈക്കിലൂടെ അറിയിച്ചത്. എഴുന്നേറ്റു പോകാന് തയ്യാറാവാത്ത മാധ്യമപ്രവര്ത്തകരോട് .പി.എം ജില്ലാ സെക്രട്ടറി എം.വി.ബാലകൃഷ്ണനും ജില്ലാ കമ്മിറ്റി അംഗം വി.വി.രമേശനും വേദിയില് നിന്ന്ഇറങ്ങി വന്ന് ഹാളില് നിന്ന് പുറത്തിറങ്ങണമെന്നു ആവശ്യപെടുകയായിരുന്നു.
എന്താണ് കാരണമെന്ന് അന്വേഷിച്ച മാധ്യമപ്രവര്ത്തകരെ നോക്കി മുഖ്യമന്ത്രി തന്നെ പുറത്തുപോകാന് ആവശ്യപ്പെടുകയും ചെയ്തു. ഹാളിനു പുറത്തിറങ്ങിയ മാധ്യമ പ്രവര്ത്തകരെ ചില നേതാക്കള് അനുനയിപ്പിക്കാന് ശ്രമം നടത്തി. സംഭവത്തില് മാധ്യമപ്രവര്ത്തകര് പ്രതിഷേധം രേഖപ്പെടുത്തി.
ജില്ലയിലെ സമ്പരെ ഉള്പ്പെടുത്തി സിപിഎം ജില്ലാകമ്മറ്റി യുടെ നേതൃത്വത്തില് സംഘടിപ്പിച്ച പരിപാടിയില് നിന്ന്മാധ്യമപ്രവര്ത്തകരെ ഇറക്കി വിട്ടത് പല കാര്യങ്ങളും മറച്ചു വെക്കാനാണെന്ന് മാധ്യമപ്രവര്ത്തകര് ആരോപിച്ചു. സി.എസ്. നാരായാണന്കുട്ടി, കെ.എസ്. ഹരി, ഇ.വി. ജയകൃഷ്ണന്, എന്.രാമനാഥ് പൈ, വേണു കള്ളാര്, ജോര്ജ് പൊയ്കയില്, ഡിറ്റിവര്ഗീസ്, ഫസല് റഹ്മാന്, അരവിന്ദന് മാണിക്കോത്ത്, സുധീഷ് പുങ്ങംചാല് തുടങ്ങി നിരവധി മാധ്യമ പ്രവര്ത്തകര് യോഗ ഹാളിന് പുറത്തിരുന്ന് പ്രതിഷേധിച്ചു.
