ഹൃദയത്തിന്റെ പകുതി പകുത്ത് തരുമ്പോള്
പകരം ചോദിച്ചത് സ്നേഹം മാത്രം
-നീ തന്നത് ദുഃഖത്തിന്റെ പകുതി…
പ്രണയപൂര്വ്വ കഥകള്ക്ക് ചരമക്കുറിപ്പെഴുതി
മനസ്സ് ശൂന്യമായിട്ടത്
-നിന്റെ ഹൃദയമേറ്റു വാങ്ങുവാന്.
നിന്റെ മനസ്സിന്റെ ഗദ്ഗദവും
ഒടുങ്ങാത്ത പിണക്കത്തിന്റെ ഇരവുകളും
ഒരിക്കലും പെയ്തൊഴിയാത്ത
പരിഭവത്തിന്റെ മേഘപടലങ്ങളും…
സുഖത്തിനും നൊമ്പരത്തിന്റെ
നിര്വചനം നല്കിയ
നിനക്ക് നിര്വചനം നല്കാന്
വാക്കുകളില്ലാതെയാകുമ്പോള്
നീ തന്ന നന്ദിയും
നീ തന്ന നിന്ദയും
നീ പകര്ന്ന സുഖവും
നീ പകര്ന്ന ദുഃഖവും…
എല്ലാം ഓര്മ്മയാക്കി ഇനി
ഓര്മ്മകള് മാത്രം ബാക്കിയാകുമ്പോള്
ഔപചാരികതയില്ലാത്ത ഒരു യാത്രാമൊഴി
ദുഃഖമില്ലാതിരിക്കാന് നിനക്ക് നന്മകള്…
