കണ്ണൂര്: കണ്ണൂര് മഹോത്സവത്തിന്റെ പേരില് ജനങ്ങളെ കബളിപ്പിക്കാനും പണം തട്ടിയെടുക്കാനും ആദിവാസികളെ വംശീയമായി അധിക്ഷേപിക്കുന്ന സ്റ്റാളുകളും പ്രതിമകളും സ്ഥാപിച്ചവര്ക്കെതിരെ കേസെടുക്കണമെന്നും വംശീയ അധിക്ഷേപം അവസാനിപ്പിക്കാന് നടപടിയെടുക്കണമെന്നും ആവശ്യപ്പെട്ട് ആദിവാസി ഗോത്രമഹാസഭ, ആദിവാസി ദളിത് മുന്നേറ്റ സമിതി, ഭൂ അധികാര സംരക്ഷണ സമിതി തുടങ്ങിയ സംഘടനകളുടെ നേതൃത്വത്തില് കണ്ണൂരില് പ്രതിഷേധ മാര്ച്ച് നടത്തി. മാര്ച്ചില് നൂറു കണക്കിന് ആദിവാസി വിഭാഗക്കാര് പങ്കെടുത്തു. ആദവാസികളെ അടിമകളാക്കി വിദേശത്ത് കൊണ്ടുപോയി ചങ്ങലയില് ബന്ധിച്ച് എക്സിബിഷന് സ്റ്റാളുകളില് പ്രദര്ശിപ്പിക്കുകയും പണം പിരിക്കുകയും ചെയ്ത പാരമ്പര്യം വിദേശികള്ക്കുള്ളത്. വംശീയമായ താല്പ്പര്യത്തോടെ ഒരു പ്രത്യേക ജാതിമത വിഭാഗക്കാരെ ജീവനോടെയാണെങ്കിലും പ്രതികളുടെ രൂപത്തിലാണെങ്കിലും പ്രദര്ശിപ്പിച്ച് പണം പിരിക്കുന്ന നടപടി ആധുനിക സമൂഹത്തിന് ചേര്ന്നതല്ല എന്നാരോപിച്ചാണ് മാര്ച്ച്. വംശീയാധിക്ഷേപം നടത്തിയവര്ക്കെതിരെ പട്ടികജാതി പട്ടികവര്ഗ്ഗ അതിക്രമം തടയല് വകുപ്പും മറ്റ് ക്രിമിനല് വകുപ്പുകളും ചേര്ത്ത് കേസെടുക്കാന് അധികാരികള് തയ്യാറാകണമെന്ന് ആദിവാസി സംഘടനാ നേതാക്കള് ആവശ്യപ്പെട്ടു.
കണ്ണൂര് മഹോത്സവം: ആദിവാസികളെ വംശീയമായി അധിക്ഷേപിച്ചതിനെതിരെ പ്രതിഷേധ മാര്ച്ച് നടത്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.